Blóm vikunnar Hrútaber

Planta vikunnar er hrútaberjalyng, en hún finnst í gróðursælum brekkum og skógarbotnum víða um land. Finnst nauðsynlegt að setja smá sultu með steikinni og mun örugglega lauma smá slettu á diskinn með kalkúninum frá Reykjum sem verið hefur á borðum hér síðustu ár á gamlárskvöldi. Þó krækiber og bláber séu helst nýtt af berjum til sultugerðar hér á landi, þá eru hrútaber einnig notuð. Þau þroskast frekar seint eins og önnur ber, en ég rakst á þessi þann 20. ágúst 2004 inn við Einstigi, inn af Austurskógum, Stafafelli í Lóni. Þar var ég reyndar að leita að villtum jarðarberjum sem að móðir mín sagði að væru þar. Hef ekki fundið þau, en mágkona mín segist hafa rekist á villt jarðarber við Vötn sem að er framar á sumarhúsasvæðinu.

Athugasemdir

[Hólmdís Hjartardóttir (IP-tala skráð) 27.12.2007 kl. 15:37]

Já, ég mun nota hrútaberjahlaup með fashananum í kvöld. Mjög gott með allri villibráð. Villt jarðarber  finnast í Hólaskógi í Laxárdal s.þing. þau þroskast árlega í Vesturdal. Ég hef fundið þau í Vaglaskógi, Fosselsskógi og í Eyjafirði. En ég man að við týndum þau í krukkur í Laxárdal.

[Gunnlaugur B Ólafsson, 27.12.2007 kl. 21:38]

Gaman að heyra af blómlegum byggðum og vínræktarhéruðum...