Sorgleg þróun

Þetta er stigmögnun sem ég hef haft áhyggjur af. Fólk er hætt að hlusta og sjá, er gengið inn í samsömun hóps. Öfgakennd og ofbeldisfull framganga húfugengisins að okkar sameiginlegu stofnunum gaf tóna sem réttlætt geta að okkar opna og frjálsa samfélag breytist í lögregluríki.

Nú verðum við að fara að vinna saman en ekki í sundur, tala saman en ekki hrópa, leysa málin en skapa ekki glundroða. 

Táragasi beitt á Austurvelli

Athugasemdir

[Áhyggjufullur (IP-tala skráð) 22.1.2009 kl. 01:43]

Þetta kallast múgæsingur. Þú hættir að hugsa sem einstaklingur og fylgir, að því er virðist heilalausum múg og gerir hluti sem þú myndir undir venjulegum kringumstæðum aldrei gera!
Sést best á því sem gerðist í fyrrinótt með Oslóartréið.. bekkina, skrifstofustóla og allt annað sem múgurinn komst í snertingu við.
Vona svo sannarlega að þessir fáu anarkistar í röðum mótmælenda sjái að sér áður en einhver hlýtur varanlegan skaða =/

[Gunnar, 22.1.2009 kl. 02:00]

Ég var þarna og af hálfu mótmælenda var ekkert ofbeldi fyrr en eftir að þeir sprengdu gasið. Vissulega voru einn og einn að atast í löggunni en það var bara í formi þess að ýta á skildina þeirra og einstaka sinnum að kalla þá illum nöfnum.

Ef þeir vildu losna við þetta bögg (sem ég myndi alveg skilja) þá áttu þeir að mazea viðkomandi og taka einstaklinga úr umferð en ekki gasa hundruðir friðsamra mótmælenda sem voru að tromma og syngja.

Algjörlega tilefnislaus árás með baneitruðu gasi. Ég forðaði mér eftir að þeir héldu áfram að sprengja táragas aftur og aftur og aftur. Hátt í 20 bombur sprengdar fyrir kl. 1.

[Gunnlaugur B Ólafsson, 22.1.2009 kl. 02:01]

Fann að eitthvað slæmt lá í loftinu og dróg að fara í bælið. Vona að þingmenn og fulltrúar Vinstri grænna láti nú af allri meðvirkni með svona hegðun og að Björn Bjarnason sjái að lögreglutækni leysir ekki úr vanda.

Vonandi getum við stillt virknina inn á að endurbyggja landið. Hugsandi menn sem njóta trausts likt og Páll Skúlason eða einhverjir geti myndað samhug meðal þjóðar í vanda.

[Gunnlaugur B Ólafsson, 22.1.2009 kl. 02:08]

Skil þig fullkomlega Gunnar, en tel að það séu þó takmörk fyrir því hvað lögreglan getur látið drita yfir sig steinum, skyri og óhróðri. Það sýna fjöldinn allur af myndefni að mótmælendur eru farnir að beina orkunni að lögreglunni af sífellt meiri hörku.

Einn samkennari sagðist hafa verið á Austurvelli síðustu nótt. Hún sagði að lögreglan hefði verið að reyna að stöðva bálið en ekkert gengið. Spurði hana hvort henni þætti ekki of langt gengið að týna bekki borgarinnar á bálköstinn. Hún jánkaði því með semingi. Þekki eðli múgsefjunar.