Kirsuberjatréð blómstraði um helgina

 

Síðustu ár hef ég skráð hvenær kirsuberjatréð hefur náð um 75% af blómum sínum útsprungnum. Þetta gerðist með sólinni á laugardag og hélt áfram með frábæru veðri í dag. Þannig að 15.maí er hinn opinberi blómgunardagur kirsuberja hér á Reykjaveginum. Til samanburðar þá blómstraði tréð 11. maí árið 2007 og 13. maí árið 2008.

Gróður er almennt fyrr á ferðinni s.s. gras og birki. Ástæða þess að kirsuberjatréð er ekki snemma og jafnvel síðar en síðustu ár er fáir sólardagar. Þó það hafi verið hlýtt þá hefur ekki komið nægjanlegt sólskin til að láta blómgunina taka við sér.

Mikið er gert með blómgun kirsuberjatrjánna í Washington höfuðborg Bandaríkjanna. Vanalega er hámarksblómgun rúmum mánuði á undan. Þannig var blómgun í hámarki 1-4 apríl nú í ár.

Hér fylgir mynd sem var tekin af kirsuberjatrénu í garðinum í dag. 

Athugasemdir

[Hrönn Sigurðardóttir, 18.5.2009 kl. 08:45]

Fallegt tré Kirsuberjatréð. Ertu með það úti í garði eða áttu gróðurhús?

[Gunnlaugur B Ólafsson, 18.5.2009 kl. 10:24]

Hæ Hrönn og gleðilegt sumarið. Tréð er framan við stofugluggann, en það gefur ekki ber. Mbk, G

[Guðbjörg Elín Heiðarsdóttir, 25.5.2009 kl. 09:04]

Til hamingju með þetta.

[Gunnlaugur B Ólafsson, 25.5.2009 kl. 14:22]

Takk fyrir það Guðbjörg (Hornfirðingur ef ég reikna trngslin rétt). Mbk, G