Tapsárir fyrir kosningar?

Það er merkilegt að horfa á innlegg Morgunblaðsleiðara og Geirs H Haarde á lokametrunum. Geir byrjar sitt fyrsta innlegg í formannaþætti í gærköldi á því að reyna að hræða fólk frá því að kjósa annað en Sjálfstæðisflokkinn. Þá mun sennilega stóri ránfuglinn koma og éta þig! Leiðari Morgunblaðsins í dag heitir "Áhætta". Þar er rakið í löngu máli hvað mikil skelfing muni koma yfir Ísland ef að stjórnartaumarnir færu nú eftir sextán ár úr höndum Sjálfstæðisflokks. Það sem að er svolítið skondið að aldrei þessu vant er ekki hægt að gera athugasemd við þennan leiðara, eins og vanalega er hægt. Á blog.is er hnappur sem vísar á ritstjórnarskrif og segir "Hefurðu skoðun? Segðu þitt álit".  Óttinn er greinilega það mikill að það er ekki hægt að taka "áhættu" með að önnur viðhorf heyrist en þau sem sett eru fram í leiðaranum. Því ef maður vill segja sína skoðun kemur;

"Ekki er hægt að bæta athugasemdum við færsluna, þar sem tímamörk á athugasemdum eru liðin."

Það er leitt til þess að vita að ritstjóri Morgunblaðs, okkar húsbóndi hér í bloggheimum skuli vera staddur í þessari úlfakreppu tilfinningalífs. Maður sér fyrir sér Styrmir Gunnarsson, Geir H. Haarde, Björn Bjarnason og Árna Johnsen nagandi á sér neglurnar í Valhöllinni. Þetta eru menn sem að hafa svo gott af því að hér verði innleidd ný vinnubrögð og áherslur í stjórnmálum. Heimilin í landinu eiga það skilið að það sé litið á þau sem rekstrareiningu sem beri að efla og styrkja. Afhverju var svona auðvelt að skerða barnabæturnar en svona erfitt að afnema stimpilgjöldin, afhverju er svona auðvelt að lækka skattlagningu á þá hæst launuðu en svona erfitt að láta persónuafsláttinn fylgja verðlagsþróun?

Við höfum ekkert að óttast en tengslanet flokks og fjölskyldna sem vanvirðir lýðræðið þolir alveg smá frí frá þátttöku í ríkisstjórn. Það væri hollt að skipta um, eiginlega nauðsynlegt.

  X - S fyrir skoðanafrelsi

      X - S fyrir segðu þitt álit

           X- S fyrir sól í sinni, úti og inni

Athugasemdir

[Anna Einarsdóttir, 12.5.2007 kl. 11:06]

Góð grein Gunnlaugur.  Þessi hræðsluáróður sjálfstæðismanna er það vopn sem þeir eru vonandi núna búnir að ofnota.  Við íslendingar ættum að vera hrædd við að breyta EKKI um stefnu.

X-S og ekkert annað.

[Gunnlaugur B Ólafsson, 14.5.2007 kl. 00:31]

Hæ Gísli

Ég vil nú vera svo gjafmildur í úthlutun á persónueinkennum að ég held að þau séu mjög fjölbreytileg og ótrúlegt úrval af spennandi hugmyndum. Það er alla vega þannig í okkar herbúðum. Ert þú nokkuð´staddur í einhverjum hallelúja hópsárstemmingu þarna hjá Sjallóinu  ?

Guðmundur Steingrímsson er nú einn allra duglegasti bloggarinn og þar hafa menn mikið verið að gera athugasemdir. Meðal annars ótrúlega nastý náungi af íhaldskyni sem gengur undir dulnefninu Dharma. Afstaða Árna getur verið skiljanleg hvað t.d. þann þátt með nafnleynd og dulefni. Við þekkjum það hér í Mosfellsbænum að það getur orðið að algjöru rugli og ekki öllum gefið að halda sér á þokkalega gullnum meðalvegi varðandi málefni og háttvísi.

                            Gangi þér vel,