Fegurst fjalla

Vestra-Horn með sínu þríklofna Brunnhorni finnst mér fegurst allra fjalla. Sagt er að hverjum þyki sinn fugl fagur og óneitanlega er ég ekki hlutlaus að hafa þetta sérstæða fjall sem útvörð fjallahrings í uppvexti og áralangri sumardvöl að Stafafelli í Lóni.

Fjallið er úr djúpbergi, gabbró og granófýr, sem hefur myndast undir jökli fyrir milljónum ára. Nú er það reisulegt fjall sem stendur upp úr landslaginu og er ásamt öðrum fjöllum þarna tákn um hið gríðarlega jarðrof vatns og vinda.

Athugasemdir

[Svanhildur Karlsdóttir, 17.5.2008 kl. 16:47]

Sammála þér, við köllum þetta  Batman-fjallið

[Runólfur Jónatan Hauksson, 17.5.2008 kl. 17:25]

Já Gunnlaugur þetta er með fallegri fjöllum landsins.

[Hólmdís Hjartardóttir, 17.5.2008 kl. 22:31]

Já þetta er fallegt fjall

[Hrönn Sigurðardóttir, 18.5.2008 kl. 16:27]

Jafnast nú ekki á við Ingólfsfjallið......

[Gunnlaugur B Ólafsson, 18.5.2008 kl. 21:45]

Batman-fjallið, túlípani að opnast - það má sjá sitthvað út úr forminu. Sennilega er best að halda í eitthvað af göfugri skaftfellskri hógværð og segja að það sé "með fallegri fjöllum landsins". En er Ingólfsfjallið ekki eins og þúst eða stallur í forminu, ekki mikill arkitektúr hjá skaparanum þar ! ?

[Guðjón Sigþór Jensson, 20.5.2008 kl. 13:28]

Þarna hefur fjallið klofnað og tindur þess sigið nokkuð. Annað fjall með sama einkenni er Þorbjörn, húsfjall Grindvíkinga. Það er ekki eins formfagurt og Brunnhornið sem er óvenjufagurt enda vinsælt myndefni þeirra sem leið um Lónið eiga einkum þeirra sem eru á vesturleið en þá blasir fjallið vel við.

Mosi