Listrænir tónar náttúrunnar

Þann 30. apríl í vor fengum við hvassan skafrenning á leið okkar á Móskarðshnjúka sem var fyrst í seríu af fjallgöngum til undirbúnings ferðar á Hvannadalshnjúk. Við komumst reyndar ekki á  Hnjúkinn í fyrstu tilraun og fékk hún á sig óvænta atburðarás. Síðan fórum við um mánuði síðar upp á einum sólríkasta degi sumarsins.

Verkefninu að fara á topp Móskarðshnjúka var sem sagt enn ólokið. Úr því var bætt í dag. Ég og Magnús Einarsson samkennari minn lögðum af stað klukkan tíu. Veðrið var reyndar ekki eins hagstætt og ég hafði búist við miðað við veðurspána. Set hér inn myndir sem sýna stemminguna.

Á sama tíma var upp á Hvanneyri ráðstefna um menningu og list í landslagi og skipulagi. Ég sleppti því að fara, en betri helmingurinn fór og er afskaplega hrifinn af því hvernig til tókst. Ráðstefnunni lauk með því að gestir skoðuðu sýningu átta listamanna í Jafnaskarðsskógi.

 

Athugasemdir

[Hólmdís Hjartardóttir, 28.9.2008 kl. 18:52]

flottar myndir.........dugnaðurinn í þér drengur

[Gunnlaugur B Ólafsson, 28.9.2008 kl. 23:12]

Það er svo merkilegt hversu allar fjallaferðir verða að sérstæðu ævintýri. Veður og vindar, þurrt eða blautt, sólríkt eða skýjað. Mbk, G

[Ólafur Björnsson, 30.9.2008 kl. 00:14]

Sammála þér Hólmdís, ótrúleg elja í þér Gulli í þessum fjallgöngum!

[Gudrún Hauksdótttir, 30.9.2008 kl. 07:03]

Vá en flottar myndir hjá tér... íslensk náttúra er falleg tad er engin spurning.

Mikid öfunda ég tig á tessum dugnadi ad hlaupa á fjöll eins og ekkert sé.

kvedja frá Jyderup

[Kári Harðarson, 1.10.2008 kl. 10:30]

Góðar myndir!  Ég stelst til að nota þær á "desktoppinn" í haust hér í Frans ef það er í lagi.

Kveðja, Kári

[Gunnlaugur B Ólafsson, 1.10.2008 kl. 20:23]

Takk fyrir dugnaðarhrós. Á laugardag er stefnt á Akrafjall. Gaman að sjá þig Óli. Sendi meldingu um bloggvinskap á þig. Ég er ekki mjög stressaður á höfundarrétti Kári, en auðvitað væri gott ef þú nefndir mig til sögunnar ef myndsmíðarnar meika það í Frans  .  Mbk, G