Bestu óskir

Er búin að vera að setja mig í stellingar með að skrifa færslu um nauðsyn þess að efla og opna alla umræðu innan Samfylkingarinnar. Að flokkur og félagsmenn einbeiti sér að fullri þátttöku í hinu samfélagslega endurmati.

Í stað þess að setja orkuna meira í þann farveg þá sendi ég bestu óskir til Ingibjargar í hennar vinnu framundan við að ná góðri heilsu og starfsorku. Það hlýtur að vera erfitt að losa hugann frá þeirri ólgu sem er í landinu.

Virðing fyrir heilsunni og lífinu verður að ganga þvert á flokkslínur.

Ingibjörg Sólrún lengur frá en áður var talið

Athugasemdir

[Jón Ólafur Vilhjálmsson, 15.1.2009 kl. 22:36]

Það er mín ósk að hún nái sem fyrst fullum bata og geti beitt sér í þágu lands og þjóðar en nú sýnist mér Össur vera sá eini sem er að vinna virkilega í að koma atvinnulífinu til hjálpar og fá inn í landið erlenda fjárfestingu , en þá kemur umhverfisráðherra og hennar fylgisveinar og reyna að rífa það niður. Góð samvinna það.

[Þórbergur Torfason, 16.1.2009 kl. 00:19]

Við tökum öll undir góðar óskir til utanríkisráðherra.

[Hólmdís Hjartardóttir, 16.1.2009 kl. 09:27]

Að sjálfsögðu óskum við Ingibjörgu góðs bata

[Jón Kristófer Arnarson, 16.1.2009 kl. 11:22]

Vonandi fær Ingibjörg Sólrún góðan bata.  Vona einnig að hún verði ekki vaxandi atvinnuleysi að bráð og finni gott starf sem hentar hennar hæfileikum þegar hún snýr baka.

[Gunnlaugur B Ólafsson, 16.1.2009 kl. 12:24]

Jón, þú ert ekki þjóðin og ákvarðar því ekki hverjir gegna starfi fulltrúa á löggjafarsamkomunni nema með atkvæði þínu. Hinsvegar eru góðu fréttirnar þær að þú getur boðið þig fram og sýnt fram á að starfið "henti" þér. Þannig er lýðræðið en sum öfl þjóðfélagsins virða ekki niðurstöður kosninga. Þau hafa réttu útgáfuna af sannleikanum og þurfa ekki að hlusta eða taka tillit.

[Jón Kristófer Arnarson, 16.1.2009 kl. 12:51]

Æ fyrirgefðu Gunnlaugur.  Ég var búinn að gleyma því að þetta með samræðustjórnmálin og frjálslynda lýðræðið var bara plat.

[Gunnlaugur B Ólafsson, 16.1.2009 kl. 14:49]

Samræður eru ekkert plat, en þú varst að setja þig í stellingar sem úthlutunaraðili á þingsætum. Það væri t.d. tilvalið að VG kláraði umræður og leyfði lýðræði innan flokksins um Evrópumálin.

[Jón Kristófer Arnarson, 16.1.2009 kl. 21:08]

Ingibjör Sólrún er ábyggilega besta skinn og hæfileikarík á einhverjum sviðum.  En afleitur stjórnmálamaður.