Hvannadalshnjúkur (2110 m) -> 26. apríl 2008

ATORKA mannrækt & útivist (ég) er að skipuleggja hópferð á Hvannadalshnjúk í samvinnu við Jökul Bergmann fjallaleiðsögumann. Farið er seinni part föstudags austur í Öræfi og gist tvær nætur. Snemma morguns 26. apríl er lagt af stað á hnjúkinn og áætlað að gangan taki um 12 tíma.

Að ganga á Hvannadalshnjúk er gott að setja sem lokapunkt í áfanga að koma sér í form eða sem staðfestingu á því að maður sé í góðri þjálfun. Gangan sjálf er ekki upp mikinn bratta eða tæknilega erfið. Hún er hinsvegar 25 km og hækkun yfir 2000 m.

Meginviðmið er því að halda góðri samfellu í göngunni, láta úthald og seiglu ljúka áfanganum. Mæta síðan til byggða, njóta góðrar sameiginlegrar máltíðar og ánægjulegrar kvöldstundar. Lagt er af stað aftur til Reykjavíkur á sunnudagsmorgni.

Allir eru velkomnir að slást í hópinn og ef þið vitið af fjallageitum, þá er vel þegið að láta boðin ganga. Uppl. [e-mail]

Athugasemdir

[Hólmdís Hjartardóttir, 2.3.2008 kl. 11:34]

Það er nú drepfyndið að jöklamaðuinn heiti Jökull Bergmann!!!

[Gunnlaugur B Ólafsson, 2.3.2008 kl. 11:52]

Vissulega, foreldrarnir hafa strax séð hvert stefndi með piltinn.

[Haraldur Halldór, 2.3.2008 kl. 12:21]

Gangi þér vel að smala saman í hóp . Frábært að fara þarna upp ,sagði reyndar eftir fyrstu ferðina mína á hnúkinn að ég ætlaði aldrei aftur .....en er að skipuleggja mína þriðju ferð og ætla að taka með mér stóran hóp af vinum og kunningjum ..

[Sigurður Þórðarson, 2.3.2008 kl. 16:50]

Frábært framtak. 

Ég skal láta þetta spyrjast.

[corvus corax, 2.3.2008 kl. 21:51]

Er ekki hægt að fara þetta á bíl?

[Einar Bragi Bragason., 3.3.2008 kl. 10:39]

er ekki hægt að fljúga

[Fanney Björg Karlsdóttir, 3.3.2008 kl. 11:36]

Ég fór á toppinn í fyrra og var staðráðin í því að fara einhvern tíma aftur...... kom mér satt að segja á óvart hvernig þetta var.... ég bjóst við meiri erfiði.... en kanski var ég bara í svona góðri þjálfun......gangi þér vel með þetta......verð með í huganum....

[Þorsteinn Sverrisson, 4.3.2008 kl. 19:06]

Því miður, verð í Bilbao Spáni.  Annar er það á dagskrá hjá mér að fara einhverntíman þarna upp.