Sunnudagslög

Sum lög fá tiltekinn sess og tengjast tilteknum minningum, stöðum, fólki, tímabilum. Það eru tvö lög sem að ég tengi við það að dansa með synina unga í fanginu. Norræn lög sem eru blanda af þjóðlagastemmingu og poppi. Eru hugljúf og notaleg. Eldri sonurinn fékk oft sveiflu undir laginu Eg Komme með Björn Eidsvåg, en sá litli hefur fengið pabbasveiflu undir laginu Vem ved með Lisu Ekdahl. Sá myndskeið með þessu lagi hjá henni Ingu Maríu og stel hugmyndinni að setja það á bloggið.

 

Vetrarríki í listigarðinum

Fór út og tók nokkrar myndir af fegurðinni hér í garðinum í þeim mikla snjó sem liggur yfir í dag, en verður sennilega farinn eða í allt annarri mynd á morgun.