REI = D

Sjálfstæðismenn hafa á hrokafullan hátt reynt að spyrða atburðarrás í REI málinu við borgarstjórn Dags B og Tjarnarkvartets. Hafa í skrifum talað um REI-listann og ekki axlað ábyrgð í málinu. Nú er eignarrétturinn á klúðrinu orðinn öllum ljós og það þarf mikið hugrekki til að styðja það plan að Vilhjálmur taki aftur við sem borgarstjóri.

„REI - ætlar Sjálfstæðisflokkurinn ekki að axla ábyrgð?“

Athugasemdir

[Númi (IP-tala skráð) 9.2.2008 kl. 20:59]

Það er ekki bara Vilhjálmur sem er sökudólgur.Lítum á alla þá sem gerðu sér vonir um kaupréttarsamninga varðandi þetta REI-rugl.Fremstir þar í flokki eru Guðmundur Þóroddsson og Hjörleifur Kvaran,og fleiri.Hvað er þessum mönnum stætt á því að starfa þarna áfram,það er nákvæmlega ekkert sem gerir það að þeir geti starfað þarna áfram.Þessir menn þurfa að axla ábyrgð á sínum vinnubrögðum,þá einnig græðgi og visvítandi þjófnaði,það er ekkert annað orð sem hægt er að nota nema þjófnað.Þetta var eindregin brotavilji þessara manna og annara undirsáta þeirra.Það ættu í raun og veru að verða kosningar hér í Reykjavík að þessum ósköpum undangengnum.Í næsta mánuði er 100 ára árstíð Borgarstjóraembættisins í Reykjavík.Fyrsti borgarstjóri í Reykjavík var Páll Einarsson,þá er spurningin:Hver verðu borgarstjóri í næsta mánuði.

[Gunnlaugur B Ólafsson, 9.2.2008 kl. 23:32]

Hlutur Vilhjálms er slæmur. Óljóst er að hann hafi haft umboð. Hann hafði ekki rætt það í borgarstjórn og ekki í sínum eigin flokki. Varðandi álit frá borgarlögmanni er komið í ljós að það var fyrrverandi borgarlögmaður sem var orðinn forstjóri OR og átti að fá kaupréttarsamning. Það er rétt hjá Kristni að það er nauðsynlegt að læra af þessu og líkt og kemur fram hjá Degi B. þá er þverpólitísk samstaða um að vinnubrögð borgarstjórnar Sjálfstæðisflokks hafi verið óviðunandi og framganga Vilhjálms óverjandi. Það er miklu frekar staðreynd en skítkast.

[Þórir Kjartansson, 10.2.2008 kl. 11:15]

Aðal málið í þessu eru tilraunir peningafurstanna til að ota sínum tota hvar sem færi gefst í von um eigin ágóða.  Bróðurpartur þjóðarinnar hefur staðið með hökuna niður á bringu af aðdáun yfir þessum töframönnum og dásamað allt sem þeir hafa gert án allrar gagnrýnnar hugsunar. Það er nú að koma óþyrmilega í ljós að ekki er allt sem sýnist í þeim efnum og almenningur gæti átt eftir að súpa seyðið af því. En Svandís Svavarsdóttir á heiður skilið fyrir að hafa sett löppina fyrir þá í þessu máli.

[HP Foss, 10.2.2008 kl. 11:30]

Þetta held ég að sé rétt hjá Þóri, þarna hafa menn ætlað að græða heldur betur, peningamennirnir eru vanir því að fá einfaldlega það sem þeir vilja. Þarna hafa yfirmenn á OR, Björn Ingi og fleiri slíkir kónar, ætlað að fá að verða loks ríkir en féllu á græðginni,  héldu að þarna giltu sömu lögmál og annarsstaðar í þeirra heimi, að þeir réðu. Ég tel að innan OR ættu menn að fjúka,  hlutur Vilhjálms er sorglegur þar sem hann hefur verið hafður að fífli í refskák þessara manna.  Og ekki eru hans liðsmenn menn til að standa við bakið á honum, þeir hljóta að hafa hreina samvisku, við skulum vona það.

Sammála um þátt Svandísar, hennar þáttur er afgerandi og vonandi getur hún spilað rétt úr sínum spilum í kjölfarið.