Fyrirfram gefin niðurstaða

Árni Mathiesen gagnrýnir spurningar Umboðsmanns Alþingis og finnst þær benda til að hann hafi fyrirfram gefið sér niðurstöðu. En umsækjendurnir sem metnir voru hæfastir og eru búnir að vísa máli sínu til umboðsmannsins voru einmitt ósáttir við að reynsla þeirra og menntun fengju ekki vigt af því að stjórnmálatengsl gáfu fyrirfram gefna niðurstöðu.

Þegar farið er yfir rök ráðherra er eðlilegt að kryfja þann þátt sem lítur að mati á hvernig reynsla af því að vera aðstoðarmaður ráðherra gefur sambærilega reynslu og af dómarastörfum, en ráðherra hefur sett það fram til að verja ákvörðunina. Það er ekki sterkur leikur hjá Árna að ætla umboðsmanni annað en heilindi.

Athugasemdir

[Hólmdís Hjartardóttir, 27.3.2008 kl. 09:39]

Árni er búinn að mála sig út í horn með hrokanum.  Þó held ég að ákvörðunin hafa ekki verið hans.

[Anna Benkovic Mikaelsdóttir, 27.3.2008 kl. 10:52]

Ég tek undir með Hólmdísi, held að BB hafi ákveðið þetta? Hinsvegar er ábyrgðin hjá Árna!

[Einar Bragi Bragason., 27.3.2008 kl. 11:06]

kvitt

[Sigrún P (IP-tala skráð) 27.3.2008 kl. 13:27]

Líka nokkuð sérkennilegt að Árni hafi ekki meiri tilfinningu fyrir skoðunum almennings í þessu máli. Ég hef engan hitt sem ver þennan gjörning af heilum hug. Einhverjir hafa þó beitt því gamalkunna bragði að benda á að aðrir pólitíkusar séu ekkert betri. Árni ver sig með því að draga ágæti Umboðsmanns Alþingis í efa. Það þykir mér ekki stórmannlegt.
Gott blogg Gulli!

Kv. sp

[HP Foss, 27.3.2008 kl. 16:31]

Algerlega sammála, sveitungi sæll. Þarna sýnir íhaldið sitt rétta andlit, andlit sem menn hafa keppst við að dást að í gegnum árin. Hef aldrei skilið hinn venjulega launamann að láta það hvarfla að sér að kjósa þennan endalausa valdhroka yfir sig.

Skil reyndar ekkert í þínum mönnum að þykjast í þessu samstarfi,  sem er svona eins og hentihjónaband, hvorugt hjónanna er hrifið af hinu. Enda heyrist lítið í blessaðri Jóhönnu, sem er líklega ein af fáum sem er heil í gegn á þessum vinnustað.

kv-Helgi

[Kolbrún Bára (IP-tala skráð) 27.3.2008 kl. 17:32]

Jóhanna er best. 

Hún  hlustar á sína þjóð. Hefur djúpan mannskilning.  Enginn stjórmálamaður sögunnar hefur gert eins mikið fyrir fatlað fólk  og aðstandendur þess, sem Jóhanna. Jóhanna fer ekki í ræðustól til að vekja á sér athygli og segja ekki neitt. Nei, hún er málefnanleg og með sitt á hreinu.  Jóhanna er ótrúlega dugleg og heil í því sem hún tekur sér fyrir hendur.

[HP Foss, 27.3.2008 kl. 23:52]

Það var nú einhvernvegin svona sem ég vildi lýsa henni, Kolbrún, er hálf hræddur um að hún fái ekki að koma sínum málum nægjanlega vel í gegn, með þessa forystu.

[Hólmdís Hjartardóttir, 28.3.2008 kl. 02:08]

Ég hef enn fulla trú á Jóhönnu.