Bókstafurinn

Það er merkilegt að lesa skrif íhaldsmanna sem leitast við að túlka stjórnasáttmálann á þann veg að hann hindri undirbúning að aðildarviðræðum við ESB. Nú ef það er einhver glufa í þeim sáttmála, þá er bara vísað í stefnu Sjálfstæðisflokksins. Fátt er nú þeim bókstaf æðra og sannara!

Ætli það standi ekki stjórnarsáttmálanum að það verði áframhaldandi góðæri en síðan koma þrengingar. Má nokkuð bregðast við niðursveiflu í efnahagslífinu af þeirri einföldu ástæðu að uppskriftina er ekki að finna  í stjórnarsáttmálanum eða stefnu Sjálfstæðisflokksins?

Framsóknarflokkurinn hefur víðsýni til að taka Evrópumálin út úr því ferli að vera ýmist með aðild undir forystu Halldórs eða á móti aðild undir forystu Guðna. Við verðum að fara að marka vinnuferlið undir slíkum lýðræðislegum formerkjum en ekki bókstafstrú eða flokksræði.

Hugmyndir Framsóknarflokksins ganga út á að fara út í póstkosningu líkt og Samfylkingin gerði og láta niðurstöðu hennar verða hina opinberu stefnu flokksins. Þetta liðkar fyrir lýðræðinu. Sjálfstæðisflokkurinn þarf líka að ná sér út úr bókstafstrúnni og virða vilja meirihluta flokksfélaga.

Athugasemdir

[Hans Haraldsson (IP-tala skráð) 7.5.2008 kl. 00:23]

Hvert ert þú eiginlega að fara með þessu? Það var aldrei talað um að efnahagsmálin væru ekki á dagskrá þessa ríkisstjórnarsamstarfs. 

Aðstæður í Evrópumálum hafa ekkert breyst nema þú sért ennþá að reyna að pranga út þeirri hugmynd að það sé hægt að eiga við þá tímabundnu niðursveiflu sem nú gengur yfir (hér sem og í ESB) með inngöngu í sambandið.

Annars var stefna Sjálfstæðisflokksins ákvörðuð á flokksþingi fyrir ekki svo löngu. Ert þú kannski að leggja það til að um leið og það er einhver möguleiki á að fá "rétta" niðurstöðu þá eigi að keyra í kosningar sem fyrst (og eftir það ekki kosið aftur, kannski)?

Ef að það er lýðræðislegur og viðvarandi meirihlutavilji fyrir ESB aðild innan Sjálfstæðisflokks þá mun það brátt hafa sín áhrif. Þangað til er eðlilegt að Sjálfstæðisflokkurinn fylgi þeirri stefnuskrá sem hann boðaði þegar hann fékk sín atkvæði í kosningum.

[Gunnlaugur B Ólafsson, 7.5.2008 kl. 00:53]

Á öllum tímum og í öllum aðstæðum er gott að hafa réttinn til að bregðast við og vera ekki þvingaður af flokksaga eða ofurtrú á pappírum. Finnst þér ekki æskilegt að fara sömu leið og Samfylkingin fór og Framsóknarflokkurinn íhugar að láta opinbera stefnu flokksins varðandi aðildarumsókn ráðast af niðurstöðu póstkosningar meðal félagsmanna í Sjálfstæðisflokknum?

Þið haldið því fram að við yrðum áhrifalaus innan ESB en reyndin er önnur eins og kom fram í viðtalinu við finnska forsætisráðherrann áðan. Hann lýsti því yfir að Finnar hefðu ekki glatað neinu sjálfstæði en nú hefðu þeir möguleika á að vera þátttakendur í alþjóðlegum ákvarðanatökum sem hafa sífellt meira vægi fyrir hagsmuni landsins.

Heimurinn fer sífellt minnkandi. Fyrir öld jafnaðist það á við heimsreisu að fara til Akureyrar. Fyrir um tíu árum var rukkað fyrir langlínusamtöl þegar maður hringdi út á land. Nú er þetta eitt gjaldsvæði. Nú eru langlínusamtölin til annarra landa, sem eru þó bara eins og aðrar sveitir voru fyrr á tíð. Þessi þróun krefst öll aðlögunar.

Við þurfum að vera virk í okkar heimasveit (t.d. Mosó), okkar landi (Íslandi), okkar heimsálfu (ESB) og heiminum öllum (SÞ). Þátttaka og virkni á einu stigi stjórnsýslu hindrar ekki möguleika á áhrifum á öðru. "því þurfi íslenzka þjóðin að gefast upp á að standa á eigin fótum og segja sig til sveitar".  Af þessum toga er hræðsluáróður eins félaga þíns.

[Hans Haraldsson (IP-tala skráð) 7.5.2008 kl. 03:27]

Ég sé ekkert í spilunum sem gerir ESB máilin svo áríðandi að þau geti ekki beðið fram að næsta aðalfundi Sjálfstæðisflokksins. Þú veist það jafn vel og ég að ESB aðild er ekki lausn á yfirstandandi efnahagsvanda.

Annars er þetta allt voða sætt sem þú segir og voða merkingarlaust.

Er það virkilega sambærilegt að ætla að húka einn úti í horni og að vilja ekki afsala sér stjórn á sjávarútvegsmálum, landbúnaðarmálum, tollamálum og fleiri málaflokkum (fjöldin mun væntanlega fara vaxandi) í hendur embættismanna sem bera litla sem enga lýðræðislega ábyrgð?

Annars vil ég benda á að einmitt vegna þess að heimurinn fer minnkandi þá bendir flest til þess að vægi Evrópu í utanríkisviðskiptum okkar muni minnka í framtíðinni (nema að við læsum okkur innan tollmúranna). Spuringinin um ESB aðild er spurining um hvaða sýn menn hafa til næstu áratuga eða aldar, hún snýst ekki um dægurmál.

[Gunnlaugur B Ólafsson, 7.5.2008 kl. 08:02]

Það er nok merkilegt að íhaldið vilji hindra framgang íslensks lýðræðis til að verja það frá þátttöku í ólýðræðislegu bákni embættismanna.

Það er langsótt að við ættum frakar að efla tengslin við Kamerún, Malasíu og Súdan, frekar en Norðurlöndin og aðrar menningarlega tengdar þjóðir í Evrópu.

[Hans Haraldsson (IP-tala skráð) 7.5.2008 kl. 18:44]

Það er engin að tala um að hindra framgang lýðræðisins. Ef að það er ríkur og viðvarandi vilji til ESB aðildar þá mun það hafa sín áhrif fyrr innan nokkurra ára.

Ég sé hinsvegar ekki hvernig það ætti að vera sérstaklega lýðræðislegt að hoppa til og halda þjóðaratkvæði einmitt á meðan að skoðanakannanir eru ESB sinnum hagstæðar. Hefði þér fundist það sérlega lýðræðislegt ef að Sjálfstæðisflokkurinn hefði lagt sérstök lög fyrir þjóðaratkvæði sem bönnuðu aðildarumsókn á meðan að andstaðan við aðild var sem mest?

Annars hefur menningarlegur skyldleiki ekki mikið með viðskipti að gera. Ég hef engan áhuga á að kaupa tollverndaðan franskan bíl vegna þess að þeir borða með hníf og gafli á meðan að Japanir borða með prjónum.

[Gunnlaugur B Ólafsson, 7.5.2008 kl. 20:23]

Áhugi um 2/3 hluta þjóðarinnar á aðildarviðræðum hefur legið fyrir í nokkur ár samkvæmt skoðanakönnunum Samtaka iðnaðarins. Umræðan er búin að vera í mörg ár. Nú er komin krafa og þrýstingur á aðgerðir í málinu.

[Hans Haraldsson (IP-tala skráð) 7.5.2008 kl. 21:25]

Síðustu ár hefur oftast mælst einhver meirihluti, meðal þeirra sem afstöðu taka, fyrir einhverju ESB tengdu (hvort sem að það er aðildarviðræður eða "undirbúningur að aðildarviðræðum" eða eitthvað annað) en 2/3 hefur mjög sjaldan mælst, hvað þá að það sé meðaltal.

Í öllu falli er áhugi þjóðarinnar á aðild ekki meiri eða einbeittari en svo að fylgið hrynur af eina flokknum sem hefur aðild á sinni stefnuskrá.

Annars spái ég því að þetta logist útaf í þetta skiptið eins og öll hin.

[Gunnlaugur B Ólafsson, 8.5.2008 kl. 11:25]

Ég hef patent skýringu á því afhverju fylgið sveiflaðist frá Samfylkingu yfir á VG. Það er tengt Helguvíkurmálinu og því að sumir upplifðu það sem svik við stefnuna um Fagra Ísland.

Skoðanakannanir Samtaka Iðnaðarins hafa síðustu ár sýnt um 65% fylgi við aðildarviðræður. Samkvæmt minni tölfræði er það um 2/3 þjóðarinnar. Því finnst mér nær og eðlilegra að þeir aðilar sem að eru að vinna gegn lýðræðislegum framgangi þessa´máls láti af því og beri meiri virðingu fyrir viti og vilja fólks í þessu máli.