Aftur appelsínugulur

Það er gaman að sjá að símafyrirtæki undir merkinu Tal er komið aftur á markaðinn. Þar hafa sameinast fyrirtækin Sko (áður BTnet) og  Hive. Þau hafa haft áhrif til verulegrar lækkunar á farsímamarkaði og nettengingum. Hef verið með nettengingu með ótakmörkuðu niðurhali og hröðum gagnaflutningi á 3.900 kr. sem voru og eru ein bestu kjörin. Nú hafa þeir bætt við heimasíma og gemsapakka fyrir 1000 kr. í viðbót. Frítt er að hringja milli allra heimasíma í þessum pakka og frítt í þrjá vini úr gemsa. Bíður einhver betur?

Fannst Tal vera flott og ferskt fyrirtæki undir forystu Þórólfs Árnasonar á sínum tíma. Var þar með gemsann og varð hálffúll þegar þessu var breytt í Og Vodafone. Appelsínuguli liturinn innsiglar síðan ímynd ferskleika og framfara. Hef væntingar til þessa nyja fyrirtækis og megi tilkoma þess verða neytendum til heilla.

Athugasemdir

[Þorsteinn Sverrisson, 7.5.2008 kl. 21:48]

Fylkisliturinn er alltaf flottur Gulli

[Hrönn Sigurðardóttir, 7.5.2008 kl. 22:45]

Jamm einfalt að að frítt á milli heimasíma með Tal þegar svo fáir eru með þá......

Og svo verður kjörunum breytt!! 

[Hrönn Sigurðardóttir, 7.5.2008 kl. 22:45]

.... en appelsínugult er flott

[Gunnlaugur B Ólafsson, 8.5.2008 kl. 01:01]

Ég tók því þannig að það væri frítt að hringja í alla heimasíma, það væri bara mánaðargjald. Síðan fastar 14 krónur mínútan, en ekki 22 kr. ef þú hringir í Nova gems, 17 ef þú hringir í Síma gemsa og segjum lægra þegar þú hringir í Vodafone gemsa, ef þú ert þar.

Það eru tækifæri í þessu á "krepputímum" fyrir utan nýja möguleika að tala á milli landa í gegnum netið að mér skilst frítt. Einhverjir sem vita meira um þessi mál geta látið ljós sitt skína. Ég vel aðeins það besta .... og ódýrasta.