Rannsökum tilefni rannsóknar

Umfangsmesta viðskiptaveldi Íslandssögunnar hefur fengið heilbrigðisvottorð sem var reyndar allt of dýru verði keypt. Kostaði milljarðinn. Hvaða stórfyrirtæki stæðist fullkomlega slíka úttekt sem sett væri af stað undir formerkjum opinnar veiðiheimildar? Finnið hvað sem er, leitið að öllum tilefnum í bókhaldi og skattamálum.

Mikil umfjöllun var um innflutning á bílum og að reynt hafi verið að gefa upp lægra verð til að ná fram lækkun á innflutningsgjöldum. Spaugsamur félagi minn sem er í innflutningi sagði að það væri merkilegt ef að Baugsmenn yrðu þeir fyrstu sem samviskusamlega hefðu gefið upp rétt verð í bílainnflutningi.

Nú hefur komið fram krafan um að það verði skoðað hvort tilefnin hafi verið nægjanleg til að fara af stað með slíkum krafti og þunga gegn tilteknu fyrirtæki og stórskaða hagsmuni þess. Það er mjög eðlilegt að fara yfir forsendurnar og ástæður þess að þetta fyrirtæki fékk slíka úttekt en ekki önnur.

Allir vita að upphafið markaðist af persónulegri óvild og einkamálum. Það er auðvitað enn viðkvæmt mál fyrir Sjálfstæðisflokkinn að útfrá tölvupóstum Jónínu Benediktsdóttur kom í ljós að ritstjóri Morgunblaðsins, framkvæmdastjóri Sjálfstæðisflokksins og valdamikli leynivinurinn "hjálpuðu" Jóni Gerald Sullenberger af stað við að stíga fyrstu skrefin

Athugasemdir

[Bjarni Kjartansson, 10.6.2008 kl. 12:37]

Væri ég settur inn á spítala til að fá heilbrigðisvottorð, vildi ég EKKI fá svona orðað vottorð.

Orðalagirð er einfaldlega á þá leið, að vegna formgalla á rannsókn og tilreiðingu ákæruvaldsins, væri skoðun á öllum innyflum vísað frá og ekki skoðuð frekar. 

Vegna ónógrar reyfunar (vanreyfun) er öllum skoðunum og myndatökum af heilabúi vísað frá skoðun.

Vegna þess, að ekki hafi náðst að sanna, þrátt fyrir stimpluð skjöl og reikninga að um sár eða bólgur gæti verið að ræða, verði að vísa allri skoðun á húð og yfirborðsfrumum öðrum frá frekari rannsóknum.

Að vísu er sannað, að inngróin er tánögl á þriðju tá á vinstra fæti og bæri því að taka til viðeigandi aðgerða EF tánöglin grær AFTUR inn, að 2 árum liðnum.

Nei minn kæri, svona HEILSUFARSVOTTOR vildi ég ekki fá um minn búk.

Svo mikið er algerlega á hreinu.

Miðbæjaríhaldið

[Bjarni Kjartansson, 10.6.2008 kl. 12:50]

Svo er algerlega ótúrlegt, að þú látir svona á prent.

,,Allir vita að upphafið markaðist af persónulegri óvild og einkamálum. Það er auðvitað enn viðkvæmt mál fyrir Sjálfstæðisflokkinn að útfrá tölvupóstum Jónínu Benediktsdóttur kom í ljós að ritstjóri Morgunblaðsins, framkvæmdastjóri Sjálfstæðisflokksins og valdamikli leynivinurinn "hjálpuðu" Jóni Gerald Sullenberger af stað við að stíga fyrstu skrefin"

Svona bull er þér ekki samboðið.

Ég þekki Kjartan Gunnarsson allvel.

Við erum systkynabörn og með þeim ,-móður han sog föður mín var afar náið og gott samband, svo gott, að Kjartan skýrði son sinn eftir föður mínum Kjartani Jónssyni.

Kjartan er ekki sá sem fer aðrar leiðir en eru fullkomlega heiðarlegar, klárar og lögformlega skotheldar.  Allt annað eru fjölmæli óvildarmanna hans.  Hann var og er í miklu og nánu viðarsambandi við Davíð Oddsson, jafnvel það bróður.el varð EKKI tilefni til þess, að hann bæði mig kjósa Davíð formann hér í eina tíð.

Allur lygavaðallinn sem staði ð hefur uppúr mönnum um hann Kjartan hefur hann tekið af rósemi og ekki nennt að elta ólar við hælbíta sína. 

ÞAð segir meira um virðingu þá sem hann ber fyrir þeim en hvað rétt er og satt um áburði þessara manna og húskarla þeirra.

Mér hitnar nokkuð í hamsi yfir því ða menn sem ekki mega vamm sitt vita í nokkrum málum, séu bornir lygasögum.

Sagt var að ef lygin er nægjanlega margítrekuð, verði hún sönn í hugum manna EN það breytir ekki því að lygin verður ekkert annað en lygi, hversu oft sem hún er endurtekin.

Með von um, að menn skoði uppeldi sitt og orðspor ÁÐUR en lagt er til heiðarlegra manna jafnvel þó svo, að þeir hafi lagt fyrir sig störf á vegum stjórnmálaflokks.

Miðbæjaríhaldið

[Gunnlaugur B Ólafsson, 10.6.2008 kl. 15:30]

Það þýðir ekki að ræða um það sem þú telur að ætti að koma út úr þessu umfangsmikla dómsmáli. Niðurstaða Hæstaréttar er það sem telur að öðru leyti en því sem menn ætla að vísa til Mannréttindadómstóls varðandi óeðlilega málsmeðferð.

Ríkinu ber að borga málskostnað, sýknudómur í öllum veigamestu atriðum og léttvæg áminning í bókhaldsmáli sem auðvelt er að skilja að geti verið álitamál, eins og Tryggvi Jónsson hefur útskýrt. Þetta er allt annað slútt en Davíð Oddsson og fylgismenn hans vildu sjá.

Það er til umhugsunar afhverju Valhöll var svona illa við Baug. Sennilega af því að fyrirtækinu tókst að gera heildsalaveldið, sem verið hafði ein af sterkari stoðum flokksins, verkefnalaust á nokkrum árum. Slíks bar að hefna. Það voru ekki réttu aðilarnir sem að nýttu aukið viðskiptafrelsi og ekki á réttan hátt.

Það er jákvætt að vera frændrækinn og meta eðliskosti frænda þíns. Ekki er það mitt hlutverk að dreifa lygasögum. Það sem að ég geri hér er að vísa til tölvupósts sem vísar til ákveðinna lykilmanna í Sjálfstæðisflokknum - Kjartans Gunnarssonar framkvæmdastjóra flokksins, Jóns Steinars Gunnlaugssonar sem var "ritari" fyrir flokkinn í blaðaskrifum og Styrmis Gunnarssonar sem að iðulega hafði verið óvæginn í afstöðu til Baugs í ritstjórnarskrifum. Þessir þrír aðilar og valdamikill leynivinur sem ekki var nefndur á nafn hjálpuðu Sullenberger að fara af stað með Baugsmálið.

Það eina sem að er óljóst í þessu máli er hver hinn valdamikli vinur var í þessu ferli. Það hefur mér fundist þurfa að rannsaka. Með mestu völdin á þessum tíma fór Davíð Oddsson sem iðulega hafði lýst andúð á Baugi. Einnig er ljóst út frá því sem er að koma fram í minningarbrotum  Framsóknarmanna að fyrstu drög hans af fjölmiðlafrumvarpi voru markeruð af hatri út í Baug.

Styrmir Gunnarsson hefur í viðtali haldið því fram að hér hafi einvörðungu verið greiði eða hjálpsemi við mann sem að leitaði til hans og taldi sig órétti beittan. Eftir sem áður er ljóst að í Valhöll og meðal innvígðra var það viðvarandi þrá að knésetja mætti Baug. Fyrir utanaðkomandi er ekki auðvelt að átta sig á því hverjar voru ástæður þessarar miklu óvildar.

Það er ætíð brýnt verkefni að skoða uppeldismál og vanda til samskipta. Ég er viss um að Baugsmenn eiga líka ágætan frændgarð, heiðarlegan og vel uppalin. Mbk, G

[Bjarni Kjartansson, 11.6.2008 kl. 11:14]

Þú segir

,,Ríkinu ber að borga málskostnað, sýknudómur í öllum veigamestu atriðum og léttvæg áminning í bókhaldsmáli sem auðvelt er að skilja að geti verið álitamál, eins og Tryggvi Jónsson hefur útskýrt. Þetta er allt annað slútt en Davíð Oddsson og fylgismenn hans vildu sjá."

Það er alger misskilningur hjá þér, að ríkinu beri að greiða málskostnað af þessu, þar sem þeir voru FUNDNIR SEKIR UM ekki bara léttvæg áminning, þa´hefði dómu ekki gengið, heldur verið lokið með áminningu en ekki fangelsisdómi.

Hvaða niðurstöðu ert þú að tala um, að Davíð hafi viljað fá?  Hvar hefur sú skoðun sem þú gerir honum upp, fram komið opinberlega eða í prívatsamtölum??????????

Endilega upplýsa um það.

Þú segir að ég setji fram skoðun á því HVAÐ HEFÐI ÁTT AÐ KOMA ÚT ÚR HÆSTARÉTTI.  Vinsamlega benda mér á þá klásúlur í skrifum mínum.

Ég hef ekki skoðun á því heldr skil ég ekki ósamræmi í dómum Hæstaréttar og er ekki einn um það.

Heilbrigðisvottorðs samlíkingin kom frá þér og ég notaði hana.

Um aðkomu Styrmis að málinu veit ég ekkert annað en þú, semsagt, þaðs em hann sjálfur hefur sagt í viðtölum og hefi ég ekki nokkura ástæðu til að rengja hann í því frekar en öðru, þó svo okkar skoðanir á ýmsu fari alldeilis ekki saman, þá virði ég hann sem afar óljúgfróðann mann og horskann.

Svo er með samband milli Kjartans og hans Styrmis (og raunar mín) að þeir hafa þekktst frá því að Kjartan var með bleyju (og ég, --þó svo að ég hafi að sögn losað mig fyrr við hana he, he.)  Við erum tengdir í gegnum hjónaband Bjarna Jónssonar á Landakoti og konu hans en í frændgarði hennar eru til að mynda þeir Valur Valsson, Styrmir og fleirri sem merkir eru.  Valur leikari var mágur Bjarna.

ÞAð er því algerlega út í bláinn að tala um óeðlileg sambönd þar á millum.

En hann vinur þinn og formaður Þingflokks Samfó, getur uppfrætt þig jafn vel og ég um þessi tengsl, þar sem hann er kvæntur afastelpu nafna míns og þau búa raunar í húsinu sem hann byggði í sKerjafirðinum.

Ef menn eru teknir og skoðaðir er oftar en ekki tilefni til.

éG er ekkert að gera því skóna, að þeir feðgar séu meiri skúrkar en aðrir businessmenn, svona yfir höfuð EN mér dettur ekki í hug, að rannsakendur, hverju nafni sem þeir nefnast, taki við skipunum eða meldingum frá pólitíkkusum, það er nefnilega svo, að allt sem þið pólitíkkusar gerið og segið, --jafnvel í mjög nánú fámenni,--getur orðið ÖÐRUM pólitíkkusum verulega gott fóðr og ef viðmælendur, stundum viðhlægjendur, hafa hag af, fara þeir lóðbeint í bak ykkar, því eru alflestir pólitíkkusar, sem langt ná, varfærnir og yfirvegaðir og passa sig ætíð.

Hinnsvegar er ég fullkomlega sammála um, að rannsakendur okkar eru gersamlega ónothæfir í svona mál.  Þeir ráða við kleinusteikingar og heimabusinessmenn en ekki firmu af þessari stærð.

ÞEtta eru í grunninn nýútskrifaðir guttar ú Viðskiptafræði og lögfræði.  Ekki einn skúrkur sem kann trikkin.

IRS í BAN og í Þýskalandi, nota einmitt fyrrum skúrka til að finna þá sem enn eru að störfum.  Það tel ég sniðugt.

Læt hér staðar numið í ættfærslu og Baugsumræðu, í það minnsta að sinni.

Miðbæjaríhaldið