Fánadagur

 

Bláhvíti fáninn blakti fagurlega við hlið brjóstmyndar af Sigurjóni Péturssyni í Álafosskvosinni í kvöld. Búið er að endurvekja þessa hefð að flagga 12. júni og þá með bláhvíta fánanum. Á laugardaginn standa íbúar í Álafosskvos, Varmársamtökin og Mosfellsbær að útitónleikum í Kvosinni -MúsMos-. Þar munu átta unghljómsveitir stíga á pall.

 

Á leiðinni heim þá var verið að flytja sumarhús eftir Reykjaveginum og áfram Hafravatnsleiðina. Það var á leiðinni að Rangá. Eigandinn var kátur þegar húsið var komið yfir síðustu hraðahindrun og taldi að lítið yrði um vandamál við flutninginn, eftir að komið væri út úr þéttbýlinu.

Athugasemdir

[Gudrún Hauksdótttir, 13.6.2008 kl. 05:29]

Álafosskvosin er svo flott og ævintýraleg...ja glæsileg  eru sumarhús landanns.

Stórt knús inn í gódann dag minn kæri.

[Gunnlaugur B Ólafsson, 13.6.2008 kl. 14:34]

Já, þetta er gaman, að þróa hefðir sem tengjast sögu Mosfellsbæjar. Kvosin er merkilegur hluti þess. Gleymdi að taka það fram í gærkvöldi að á Fánadag er einnig Álafosshlaup, sem er skemmtilegur siður, því Sigurjón Pétursson var uppfullur af íþrótta- og ungmennafélagsanda.

Njóttu dagsins sömuleiðis á Sjálandi!  Mbk, G

[Þorsteinn V. Einarsson (IP-tala skráð) 13.6.2008 kl. 21:37]

Neih.... helduru að ég hafi ekki rekist á bloggið hjá gamla félaganum á mbl.is forsíðunni. Skemmtileg tilviljun og ég gat ekki annað en sent kveðju á kappann.

Þinn langbesti og alltaf uppáhaldsnemandi.

 Kveðja,

[Gunnlaugur B Ólafsson, 13.6.2008 kl. 22:48]

Gaman að fá kveðju frá þér Þorsteinn. Það er nú komin svolítil leti í blogg yfir sumartímann.

Gangi þér vel að finna það svið innan kennslu og starfs þar sem þú blómstrar mest og best. Við tókum einhverja umræðu á þeim nótum í vetur þegar þú kíktir í Borgó.

                 Með kærri kveðju,

                                     G