Fingraför Davíðs

Helsti hvatamaður að eftirlaunafrumvarpinu var Davíð Oddsson. Allur þingheimur Sjálfstæðisflokks söng með í þessu stefi græðgisvæðingarinnar og sjálftökunnar úr ríkiskassanum. Það var auðvitað svo hallærislegt í betri partýum bæjarins að vera bara með nokkra hundrað kalla í eftirlaun þegar bankastrákarnir voru að fá milljónir í eftirlaun, starfslokasamninga og bónusa.

Hér sést líka að Sjálfstæðisflokkurinn var sá aðili sem vann harðast gegn leiðréttingu á þessu máli. Setja borða með slaufu á puttann til að muna það fram yfir kosningar.

Vilja afnema eftirlaunalög

Athugasemdir

[Heimir Lárusson Fjeldsted, 17.2.2009 kl. 17:27]

Mér segir svo hugur um að eftirspurnin eftir hrakyrðum um Davíð Oddsson fari minnkandi.

[Úrsúla Jünemann, 17.2.2009 kl. 18:50]

Ég þarf ekki slaufu um puttann, ég skal muna svo lengi sem ég lifi hver stóð fyrir þessum ósóma.

[Flosi Kristjánsson, 17.2.2009 kl. 21:39]

Davíð Oddsson var voða, voða vondur maður! (Þórður Breiðfjörð, 1972)

[Gunnlaugur B Ólafsson, 17.2.2009 kl. 23:37]

Jahh, ég held að hann hafi ekki verið svo slæmur! Tók einu sinni fréttaviðtal við hann sem borgarstjóra fyrir RÚV og fannst hann hrífandi og skemmtilegur karakter. Tók sig ekki of alvarlega.

Síðan fór hann að setja undir sig hausinn og verða eins og naut í flagi, hvernig hann lét gagnvart þessu umboði sem hann hafði fengið frá kjósendum. Eftirlaunafrumvarpið er af þeirri sortinni.