20 þúsund störf

Sjónvarpsauglýsing Samfylkingarinnar um áformin að skapa tuttugu þúsund ný störf hefur vakið mikla athygli. Sumum finnst þetta hálfklént og bera merki um yfirborðskenndan kosningabrag. Eitt er víst að það er nauðsynlegt að draga fram mikilvægi þess að fá fleiri aura í kassann og skapa atvinnutækifæri í landinu.

Þó að Ástþór Magnússon sé í hugum flestra í hlutverki trúðsins í leikritinu, þá skoraði hann nokkra punkta hjá mér í kvöld með ástríðu sinni í atvinnumálum. Það er staðreynd að við getum ekki haft vel menntað fólk deginum lengur í því hlutverki að mæla út malbikið. Þó Katrín Jakobsdóttir væri í senn skynsöm og krúttleg, þá var of mikill ríkisbragur yfir áherslum hennar í þessum málaflokki.

Stjórnarskráin áfram á dagskrá

Athugasemdir

[Árni Gunnarsson, 15.4.2009 kl. 10:31]

Nú er ég bara sammála  þér Gunnlaugur. Og mér fannst Karl verða fyrir ósköp lítið málefnalegri meðhöndlun þarna. Það er nefnilega engin goðgá að nefna handfæraveiðar sem hjálp fyrir illa staddar fjölskyldur þótt Þráni þætti það eitthvað kátlegt. Illugi varðist fimlega og stóð sig vel miðað við þá stöðu flokksins sem allir þekkja.