TIME er Baugsmiðill !!!

Ákveðnar tegundir af fréttum voru lengi vel afgreiddar sem að þær væru áróður Baugsmiðlana. Þar á meðal var öll umfjöllun sem var gagnrýnin á störf Davíðs Oddssonar. Samfylkingin og þessir vondu fjölmiðlar voru sögð með manninn á heilanum.

Nú er búið að skrifa lærða bók af innvígðum og innmúruðum þar sem því er haldið fram að stefna Davíðs Oddssonar þvermóðska og persónutengdir brestir séu helstu ástæður hrunsins á íslensku efnahagskerfi. En höfundur var víst einhvern tíma að vinna hjá dótturfélagi Baugs þannig að þá verður hann sjálfkrafa ómerkingur.

TIME gerði nýlega úttekt á því hvaða 25 einstaklingar bæru mesta ábyrgð á kreppunni. Þar er Davíð Oddsson nefndur til sögunnar. Sumir gætu því ályktað að Baugsfeðgar eigi hlut í hinum stóra erlenda fjölmiðlarisa. Þeir verða að halda í vonina. "Hann kemur örugglega aftur!" sagði einn meðreiðarsveinn við mig í rökkrinu síðla kvölds, búin að fá sér þrjá til fjóra bjóra. Mér fannst það hrollvekjandi.

Pólverjar stefna enn á evruna

Athugasemdir

[Jóna Kolbrún Garðarsdóttir, 20.5.2009 kl. 02:21]

Auðvitað er Time baugsmiðill, enginn annar fjölmiðill talar illa um Davíð Oddson. 

[Gylfi Gylfason (IP-tala skráð) 20.5.2009 kl. 02:29]

Það mætti halda að Jón Ásgeir hefði lumað að þér sponslu fyrir skrifbútinn sem er skrýtinn í ljósi þeirra staðreynda að Baugsveldið snéri hér ollu efnahagslífi á hvolf með siðleysi sem þeir innleiddu í formi nýrra samskiptareglna fyrirtækja og bankastofnana.

Að fara til bankastjóra öðlaðist nýja merkingu þegar þeir sigldu með fullan bát af vændiskonum til samningagerðar og í kjölfarið voru bankarnir ryksugaðir í gegnum vina og krosseignatengsl.

 Ég sendi góðar kveðjur til heimaplánetu þinnar en hér á móður jörð ríkir alheimskreppa af völdum ábyrgðarlausra fjárglæframanna, bara svo að þú vitir það.

[Gunnlaugur B Ólafsson, 20.5.2009 kl. 08:05]

Björgólfarnir eru greinilega góðu kapítalistarnir á þinni plánetu Gylfi og þar viðurkenna menn ekki að þeir hafi aðhyllst stefnu sem kom okkur nærri þjóðargjaldþroti. Davíð Oddsson fór sérstaklega og opnaði McDonalds þegar fyrsti staðurinn kom hér á landi af því að hann vildi gera sama og Thatcher í Bretlandi.

Eins og rakið er í grein TIME þá var hér mikil einkavæðing, sem var sett í gang á sama tíma og sala fiskveiðiheimilda. Stefnt var að því að Ísland yrði skattaparadís þar sem frelsi í viðskiptum væri meira en nokkurs staðar. Þannig hefðum við orðið miðstöð fyrir fjármagn sem fengið var með vafasömum forsendum.

Það hefði orðið eðlilegt framhald miðað við hvað ránfuglinn hampaði Björgólfsfeðgunum, þegar þeir mættu með góssið frá Rússlandi. Eftir höfðinu dansa limirnir. Þú verður að viðurkenna að stjórnarstefnana var röng. Fjármálaeftirlit og seðlabanki höfðu ekki æskilegar reglur og umhverfi til að takmarka neyslu og peningahyggju.

Ósýnilegu hendurnar sem áttu að redda öllu, gerðu það ekki.

[Sigurður Sigurðsson, 20.5.2009 kl. 09:08]

Fyrirgefðu Gunnlaugur en ertu ekki læs ??

Hvar kemur fram hjá Gylfa að Björgólfarnir séu góðu kapítalistarnir.

Annars skil ég ekki í sjálfum mér að vera að kommenta á annað eins rugl og bull sem kemur frá þér, þú ert greinilega sjálfur fullur af "persónutengdum brestum" og ættir að leita þér lækninga sem fyrst.

[Gunnlaugur B Ólafsson, 20.5.2009 kl. 09:20]

Sigurður ég er að vísa til bókar Ólafs Sofandi að feigðarósi þ.s. hann lýsir persónulegum brestum stjórnmálaforingjans fyrrverandi. Ég sé að þú ferð allur í vörn og viðnám út af þessu. Þakka ráðleggingar til mín, en veit ekki hvað ég get ráðlagt þér. Kíkti inn á síðuna þína og þú virðist nú vera ansi skömmóttur út í hina og þessa. En að tappa af hér inn á mína síðu var sú leið sem þú valdir. Svo er líka alltaf hægt að vona "Hann kemur örugglega aftur!" . Njóttu sólarinnar og dagsins . Mbk, G

[Sigurður Sigurðsson, 20.5.2009 kl. 09:38]

Gott hjá þér Gunnlaugur, þú virðist nú samt af greinarskrifunum taka undir með Ólafi.

Þú ættir að kynna þér rimmu karls föður hans við Davíð, þegar DO setti út á málsmeðferðina í einu frægasta sakamáli allra tíma á Íslandi.  E.t.v. er einhverja skýringu hægt að finna á ólund ÓA til hans vegna þess.

En þegar fólk hér á blogginu talar um heilabilanir og geðveiki Davíðs, þá fer það hrikalega í skapið á mér,  svo ég tali nú ekki um þegar aðrir taka undir - eins og þú í þessu tilviki - þar sem ég þekki af afspurn aðeins til mannsins og veit að þetta eru eingöngu persónulegar árásir í hans garð.

Ólafur Arnarson ætti kannski kynna fyrir landslýð svokallaða "persónutengda bresti" föður síns, kannski hefur hann frá einhverju að segja þar ??

[Gunnlaugur B Ólafsson, 20.5.2009 kl. 10:10]

Græðgin og sjálftakan var í boði frjálshyggjunnar sem Davíð Oddsson var í forsvari fyrir í átján ár bæði sem forystumaður flokks og seðlabanka.

Ég er að benda á að ábyrgð hans er mikil og það er ekki bara viðhorf Samfylkingar eða áróður Baugsmiðla. Það kemur líka fram í bók Ólafs og skrifum TIME.

Það þýðir ekki eð berja höfðinu við steininn. Varðandi persónu Davíðs þá hitti ég hann einu sinni í Duus húsi í viðtal þegar ég var fréttamaður.

Við náðum vel saman og fannst mér hann skemmtilegur. Það breytir því ekki að ég held að hans pólitík sé meginástæða fyrir alvarleika hrunsins.

[Jón Sigurðsson, 20.5.2009 kl. 10:47]

Assgoti er Davíð lífseigur og þá sérstaklega hjá þeim sem elska að hata hann. Bara svo það sé á hreinu þá er Davíð einhver mesti snillingur sem þjóðin hefur alið það mun sagan segja en mér leikur forvitni á að komast í heimildir um þetta sakamál sem SISI greinir frá og hvaða "trakteringar" Örn Clausen fékk hjá Davíð.

[Sigurður Sigurðsson, 20.5.2009 kl. 11:20]

Því miður Gunnlaugur, þá tek ég afskaplega lítið mark á Ólafi (útrásarvíkingi) og hvað þá Baugsmiðlunum og þeim sem hafa haldið hlífiskildi yfir þeim síðustu árin.  Mín skoðun er sú að þöggun hafi átt sér stað í íslenzku samfélagið síðustu árin, sú þöggun er ekki af völdum Davíðs Oddssonar heldur íslenzkra fjárglæframanna og útrásarvíkinga sem öllu stjórnuðu í krafti auðvaldsins.

Að mínu mati var Davíð Oddsson ekki höfundur græðginnar í þessum mönnum, hann barðist fyrir dreifðu eignarhaldi bankanna á sínum tíma en laut þar í lægra haldi.  Þetta er sannað og vitað Gunnlaugur og þú hlýtur að geta gefið manninum kredit fyrir það að hafa þó reynt.  Eins reyndi hann að koma í gegn fjölmiðlafrumvarpi en þar brást Bessastaða - Boli, mér þætti gaman að heyra hvernig augum þú lítur þann mann eftir alla sorgarsögu þess manns í embætti.

Jón - þetta er nú ekki merkilegt, Davíð kallaði meðferð sakborninga í Geirfinnsmálinu "dómsmorð" ef ég man rétt.  Allir verjendur sakborninga í því máli tóku undir með honum, eins og flestir landsmenn, nema einn.  Það var faðir Ólafs sem brást hinn versti við, sagði DO fara með kjaftæði og ég veit ekki hvað og hvað ??  Af hvaða hvötum Örn brást svona illa við veit ég ekki, en mér finnst það undarlegt í ljósi þess að hann var verjandi eins þeirra, en ekki saksóknari.

[Gylfi Gylfason (IP-tala skráð) 20.5.2009 kl. 13:00]

Ég fatta ekki Bjöggaumræðuna þína. Þeir eru sömu siðblindingjarnir og Baugsfeðgar þó þeir hafi verið undir flottari skikkju.

Þú ert hinsvegar með alvarlegt einföldunar-Davíðsheilkenni.

Davíð skapaði hér ákveðna tegund opins viðskiptaþjóðfélags en siðblindir finna sér leið að settu marki sé regluverkið eða eftirlitið of veikt, svo einfalt er það.

[Ragnhildur Kolka, 20.5.2009 kl. 22:15]

Það er engum manni hollt að hata eins mikið og þú gerir, Gunnlaugur. Það hefur heftandi áhrif á þroskann, eins og sést best á þessum skrifum þínum. 

Það hlýtur að vera óskemmtileg tilvera að þurfa sífellt að fara með möntruna "hata davíð, vonda davíð, hata davíð, ljóta davíð sem sér ekki ljós heimsins ESB." Hafir þú ekki tekið eftir því þá er Davíð Oddson ekki lengur þátttakandi í íslensku stjórnmálalífi. Það er hins vegar Jóhanna Sigurðardóttir sem kann engin ráð við verkefninu sem hún hefur tekið að sér að vinna. En þið sitjið uppi með Jóhönnu sem ætlar að verða allra kellinga elst og halda Íslendingum í örbirgð og eymd svo lengi sem hún fær dregið andann. Gott á ykkur

Getuleysi Jóhönnu er ástæðan fyrir því að þú og ýmsir aðrir SF-ingar reynið að halda hatrinu á Davíð lifandi. Ekkert annað getur útskýrt þessa fáránlegu tengingu þessar fréttar um evru-skipbrot Pólverja við Davíð Oddsson og "lærða bók" útrásarvíkings, sem reynir að hvítþvo eigendur sína af því að hrinda hér af stað þjóðargjaldþroti.

Grænir haga Evrópusambandsins eru enn langt undan, en þótt þið getið kannski sannfært sjálf ykkur um að þið séuð bjartsýn, er öllum öðrum ljóst að uppgjöf ykkar gagnvart lífinu er knúin áfram af ótta.

Sama óttanum sem fékk ykkur til að halda að Jóhanna Sigurðardóttir væri bjargvættur þjóðarinnar. 

[Gunnlaugur B Ólafsson, 20.5.2009 kl. 23:11]

Mér fannst þetta áhugavert að TIME teldi Davíð Oddsson einn af 25 einstaklingum sem helst væri ábyrgur fyrir heimskreppunni. Öðrum finnst það ekki og fara með möntruna; "Hann kemur örugglega aftur". Ég held að sagan muni dæma hann frekar lítinn karl. Hann flaut áfram á góðæri ofmetinnar krónu en var í raun hvorki hugmyndaríkur eða skapandi sem stjórnmálamaður. Stuðlaði að mikilli misskiptingu í launum og eignum, sem verið er að vinda ofan af um þessar mundir. Mbk, G

PS. Ég elska alla, sérstaklega þig Ragnhildur. Hafðu ekki áhyggjur - neikvæðni er sjaldan minn tebolli. Yndislegt sólarlag og vegur rómantískrar jafnaðarstefnu fer vaxandi um heim allann 

[Gylfi Gylfason (IP-tala skráð) 20.5.2009 kl. 23:37]

TIME hvað Gunnlaugur.....

Var það Davíð sem ryksugaði bankana, var það Davíð sem lánaði ótryggða milljarðatugi til innherjahrings til að halda upp bréfum bankanna, Var það Davíð sem skuldsetti þjóðina gagnvart Icesave.

Það má segja ýmislegt um Dabba en kerfið hrundi vegna loftbólu undir hugmyndafræði Jóns Ásgeirs. Það má vel vera, og raunar afar líklegt að kerfisgallar okkar eða einhver embættismannaverk hafi veikt kerfið en eftirsögn þín um Davíð og voðaverk hans er með öllu tilhæfulaus Samfylkingaráróður til að halda athyglinni frá sýnilegri vangetu starfandi forsætisráðherra sem sér ekkert nema ESB björgunarbát og horfir framhjá raunverulegum dugnaði þjóarinnar.

Samfylkingin er orðinn algjör gufumannaklúbbur eins og Jón Baldvin minnir á þegar hann tekur köstin sín.

[Gunnlaugur B Ólafsson, 20.5.2009 kl. 23:49]

TIME er sem sagt með Samfylkingaráróður! Ekki vera svona blindur á að stjórnvöld voru með kolranga stefnu sem að leiddi af sér margskonar misskiptingu og græðgi, sem endaði í hruni kerfisins í heild.

[Gylfi Gylfason (IP-tala skráð) 21.5.2009 kl. 00:03]

Það var semsagt aætlan Davíðs að skapa Jón Ásgeir til að tortrýma íslenskum efnahag.

Eftirlit er eitt en þú gersneiðir framhjá gerendunum sem spiluðu á kerfið.

þú villt semsagt dæma heilbrigðisráðherrann vegna glæpamennsku Guðmundar í byrginu

[Jón Aðalsteinn Jónsson, 21.5.2009 kl. 00:19]

Ætli það sé rétt sem að ég las hér á blogginu að þá 40 mánuði sem að Davið hefur haft rétt á að þyggja eftirlaun samkvæmt hinu umdeilda frumvarði þá hefur hann ekki nýtt þann rétt. Það hafa aftur á mótí aðrir gert og einnig rétt til 50% álags á þingfararkaup.

[Ólafur Arnarson (IP-tala skráð) 21.5.2009 kl. 08:36]

Ég hélt að ekki væri til siðs að vega að látnu fólki. Menn geta haft sínar skoðanir á mér, hvort sem þær eru byggðar á staðreyndum eða þá fordómum, sem gjarnan virðist vera raunin. Það er hins vegar frámunalega ósmekklegt að vera með aðdróttanir og skítkast í garð látins föður míns eins og SISI gerir hér að ofan.

Ólafur Arnarson

[Gunnlaugur B Ólafsson, 21.5.2009 kl. 08:39]

Gylfi þetta gæti bara verið nokkuð góð samlíking. Að láta ófaglærðan mann fá eftirlitslítið úthlutað slíkt frelsi og fjármagn úr ríkissjóði er auðvitað á ábyrgð þess em það gerði. Veit ekki hvaða heilbrigðisráðherra gerði samninginn.

Hliðstætt er að selja Björgólfi Guðmundssyni stærsta banka landsins. Manni sem var með dóm á sér vegna glannaskapar í fjármálum. Hann hafði sýnt áhættusækni í rekstri Hafskips og var líklegur til að endurtaka það.

Það var Davíð sem að ákvað að hverfa frá skilyrðinu um dreifða eignaraðild, sleppa öllum kröfum um bindiskyldu eða takmörkunum á umsvif bankans erlendis. Auðvitað ber hann mikla ábyrgð innnanlands og erlendis.

Vegna spilamennsku víkinganna og tapaðs fjár skuldar Ísland hverjum jarðarbúa um 2000 krónur. Það er augljóst hver ber mesta ábyrgð á því. Þessu greinir TIME réttilega frá og veit ekki að með því styggir blaðið sértrúarsöfnuð. 

[Ragnhildur Kolka, 21.5.2009 kl. 09:21]

Þvílík þráhyggja. Þessi frétt í Time er frá því í febrúar og var til umfjöllunar hér heima á þeim tíma. Listinn er bara einn af mörgum sem birtust á þessum tíma. Þetta var eini listinn sem DO var á. Og það er með fréttaflutning, eins og blogg og bókaskriftir, allt byggist á heiðarleika umfjallandans og heimildarmönnum. Hver var heimildamaður Time, Gunnlaugur? Og hverjir voru heimildamenn í hinni "lærð bók sem þér er svo annt um að halda á lofti?

Ef þú losnar ekki við þessa þráhyggju fljótlega, ættirðu alvarlega að íhuga að fara á námskeið í mannkærleika hjá honum Gunnlaugi þarna í Mosfellssveitinni.  

[Gunnlaugur B Ólafsson, 21.5.2009 kl. 18:12]

Ragnhildur mín, ég var búin að lýsa yfir vilja til að veita þér alla mína ástúð og kærleika. En þú virðist greinilega vera í þessum sértrúarsöfnuði þar sem liðsmenn verða eitthvað svo ergilegir ef forystumaður þeirra er tekin til skoðunar. Samfélagsleg áhrif hans eru vegin og metin. En enn og aftur hvet ég þig til að láta mig og TIME ekki ergja þig. Mbk, G