Blautlegar draumaráðningar

Eygló Harðardóttir framsóknarkona hefur verið skömmótt út í ríkisstjórnina að vera illa undirbúin varðandi aðgerðir í bráðavanda þjóðarinnar og að helst standi upp úr "blautlegir draumar" Samfylkingarinnar um aðild að Evrópusambandinu.

Framsóknarflokkurinn hefur látið sem svo að hann sé einn flokka undirbúin í aðildarviðræður. Hann einn sé búin að setja fram skilyrði varðandi samningaviðræður. Össur Skarphéðinsson utanríkisráðherra hefur sagt þessi viðmið ágæt til umræðu.

Því átta ég mig ekki á þörfinni fyrir frekari vinnu í nefndum og ráðum til að taka afstöðu til þess hvort sótt verði um aðild. Það er ekki eftir neinu að bíða, en svo eigum við að nýta vel tímann þangað til viðræður komast á dagskrá að ræða hvaða hagsmunamál við viljum leggja áherslu á að komist inn í samninginn.

Held reyndar að sérstaða Íslands liggi fyrir og það sé ekki ástæða til að eyða tímanum í einhverjar blautlegar draumaráðningar fram á næsta vetur. Að sjálfsögðu er það auðvelt að vera sem lengst utan ESB í einhverri draumaveröld. En þá erum við að afneita þátttöku í samstarfi lýðræðisþjóða í Evrópu um góð gildi og klárlega munum við borga umtalsverðan kostnað fyrir hvert ár sem við höldum okkur utan sambandsins.

Utanríkismálanefnd í lykilhlutverki

Athugasemdir

[Marteinn Unnar Heiðarsson, 27.5.2009 kl. 23:32]

Gunnlaugur eitt skil ég þið talið alltaf um að þjóðin vilji þetta!! ég spyr bara eru það þessi 28% sem er um það bil stuðningurinn sem SF hafði í kosningunum en hugsa nú að þessi 28% hafi lækkað verulega.Ég umgengst mikið af fólki daglega og í 99% tilfella vill fólk ekki sjá ESB þegar ég spyr það.Svo hvaða þjóð og réttlæti eruð þið alltaf að tala um????Auðvitað á að kjósa um hvort eigi að fara í aðildarviðræður það kallast lýðræði en versta er það er bara ekki ykkar skoðun á lýðræði.Í seinni heimstyrjöldinni í Noregi þegar að Þjóðverjar voru að hertaka Noreg voru þeir Norðmenn sem unnu gegn þjóð sinni og hjálpuðu Þjóðverjum kallaðir kvislingar og þú manst kannski hvað var gert við þá??Mér finnst þetta orð eiga vel við Samfylkinguna sem er að vinna gegn þjóð sinni með landráði.....

[Óskar Þorkelsson, 27.5.2009 kl. 23:53]

Marteinn minnir mig á vissa tegund af bændum sem mótmæltu öllum framförum og þá sérstaklega símalínum.... afturhaldsdurgur :)

[Gunnlaugur B Ólafsson, 27.5.2009 kl. 23:59]

Já, Marteinn Unnar svo maður tali nú ekki um þá illa meinandi menn sem "innlimuðu" okkur í Sameinuðu þjóðirnar og rændu okkur fullveldinu sem við höfðum þá einungis haft í tvö ár.

Þú verður að átta þig á því að það er fátt líkt með því þegar ein þjóð reynir að yfirtaka aðra með hervaldi og því þega lýðræðisríki sameinast um ákveðin grunngildi, mannréttindi og frelsi sín á milli á tilteknum sviðum.

Þetta samstarf hefur tryggt frið innan sinna vébanda í rúma hálfa öld, en það var þjóðremba af þinni sort sem var eldurinn sem kynti undir styrjaldagleðinni sem lék Evrópu illa á síðustu öld.

99% þeirra sem þú hittir eru á móti samstarfi okkar við önnur lýðræðisríki Evrópu!!! Detta nú af mér allar ... þú verður bara endilega að hætta að hitta þessa afdalamenn og vitleysinga. Mbk, G  

[Sigurður Sveinsson, 28.5.2009 kl. 07:15]

Flokkarnir sem höfðu gert sérstaka samþykkt að okkur væri betur borgið utan ESB fengu 30 þingmenn. Eini flokkurinn sem afdráttarlaust hefur hamrað á aðild fékk 20 þingmenn. ESB málið var  bara eitt af mörgum kosningamálunum. Það er grátlegt að við skulum á næstunni ætla að eyða allri okkar orku í jafn umdeild mál og ESB. SF elskar lýðræðið svo heitt að flokkurinn má ekki til þess hugsa að þjóðin fái að ákveða í þjóðaratkvæðagreiðslu hvort sækja skuli um aðild eða ekki. Það flökrar ekki að mér að kalla ykkur Kvislinga. Þið eruð bara sértrúarsöfnuður sem viljið þvinga okkur í ESB með góðu eða illu. Ég vona að ykkur verði ekki kápan úr því klæðinu og að þjóðin ákveði sjálf hvað gera skuli.

[Gunnlaugur B Ólafsson, 28.5.2009 kl. 10:12]

Stundum verður maður að hugsa og horfa út fyrir flokkslínur Sigurður. Af því að þú talar m lýðræðið þá hefur meirihluti stuðningsmanna allra flokka (nema Frjálslyndra og ekki fór vel fyrir þeim) verið hlynnt því að við ræddum við okkar nánu samstarfsaðila um framtíðina. Ræddum það hvort ekki sé hægt að tvinna þræði þannig að íslenskra hagsmuna sé gætt svo við getum verið fullgildir þátttakendur eins og meginþorri landa í álfunni.

Þess ber að gæta að Vinstri grænir og Sjálfstæðisflokkur leyfðu ekki almennum félagsmönnum að koma að stefnumótun. Það gerðu Samfylking og Framsókn. Lýðræðisleg vinnubrögð settu aðildarviðræður á dagskrá í báðum flokkum. Það eru í hinum flokkunum aðilar sem láta flokksmenn sem hafa einkarétt á hinum algilda sannleika og láta hina gleypa uppskriftina með góðu eða illu. Það er flokksræði en ekki lýðræði. Meirihluti er fyrir aðildarviðræðum á Alþingi Íslendinga. Mbk, G

[Ásbjörn Kristinsson, 28.5.2009 kl. 15:47]

Sæll Gunnlaugur,

Mig langar til að minna á að Ísland á að heita lýðræðisríki sem er í ágætu samstarfi við Evrópuþjóðirnar, sem og margar aðrar þjóðir utan sambandsins. Ég fæ ekki betur séð en að þeir sem aðhillast aðild að ESB horfi á aðildina í einhverri draumsýn.  það skortir allavega mjög á röksemdarfærslu fyrir því að ganga inn í Evróðusambandið.  Ég hef allavega ekki séð hana. 

Síðan fyndist mér fróðlegt að vita hvaða kostnað þú og okkar ágæti forsætisráðherra teljið að hljótist af því að vera utan við Evrópusambandið.  Hún minntist einnig á þennan gífurlega kostnað í setningarræðu sinni, með nánast sama orðalagi og þú gerir hér.  Þetta er órökstuddur hræðsluáróður sem ekki á að sjást í íslenskum stjórnmálum.

Ásbjörn Kristinsson  

[Gunnlaugur B Ólafsson, 28.5.2009 kl. 19:56]

Sæll Ásbjörn

Það eru samlegðaráhrif af þátttöku. Þetta er álíka og að hanna góðar almenningssamgöngur, hafa aðgang að lest eða að verða út frá þjóðernishyggju að fara allt á einkabíl. Hafði ekki tekið eftir þessu hjá Jóhönnu, en í sjálfu sér er þetta hið augljósa. Þú þarft ekki nema að horfa á landakort af Evrópu til að sjá að við erum með útúrboruhátt. Mbk, G