Drossíur velferðarinnar

Það er ánægjulegt að Saab verksmiðjurnar munu halda lífi. Ég hef verið þeirrar gæfu aðnjótandi að eiga tvisvar Saab bíla og tvisvar Volvo. Átti Saab 96 þar sem hægt var að skipta um gíra án þess að kúpla, átti líka Volvo Amason sem var svo sannarlega fasteign á hjólum.

Þessir tveir bílar eru þeir einu sem ég hef séð eftir að selja af hátt í tuttugu bílum sem ég hef átt um dagana. Sannir gæðingar með góða sál.

 

 

 

 

 

 

 

 

Spyker kaupir Saab

Athugasemdir

[Arnór Baldvinsson, 27.1.2010 kl. 04:00]

Sæll Gunnlaugur,

Bróðir minn átti Saab 96 sem bræddi úr sér einhvern tíma í kringum 1978 eða svo.  Við rifum vélina úr honum og ætluðum að rífa hann niður í brotajárn og koma honum í brotajárnshaug sem var um 2km frá bænum þar sem við bjuggum.  Saabinn var gersamlega órjúfanlegur með handverkfærum og það endaði með því að við drógum hann á dráttarvél í hauginn, yfir á og áreyrar og allt sem á milli varð.  Hann rispaðist svolítið á toppnum eftir að hann valt og við drógum hann á hvolfi og svo brotnaði framrúðan!  Að öðru leyti var hann í jafngóðu standi og hann var þegar við lögðum af stað.  Það var alveg magnað hvað stálið var sterkt í þessum bíl!  Það var sko ekkert blikk í þeim bíl, heldur Sænskt gæðastál!

Kveðja,

[Gunnlaugur B Ólafsson, 3.2.2010 kl. 00:43]

Þetta voru traust tæki. Mbk, G