Bush Clinton Bush Clinton

 

Línur fara að skýrast með líkur frambjóðenda og flokka, þó margt eigi eftir að gerast fram að kjördegi. Margt bendir til að kjósendur vilji fá blöndu af ferskleika og breytingum. Republikanar virðast ekki hafa þau tromp á hendi sem líkleg eru til kjörfylgis. McCain og Huckabee virðast báðir eiga miklu meira af fortíð heldur en framtíð. Þó hugsa Bandaríkjamenn ólíkt Íslendingum. Ræddi nýlega við bandaríska konu sem aðspurð sagðist styðja Huckabee. Ástæðan - Hann væri harðasti andstæðingur fóstureyðinga!

Mikil gerjun er hjá demókrötum og þó Obama hafi dregið verulega á forskot Hillary, þá slagar það enn hátt í tug prósenta. Í ljósi þess að hún hefur ekkert síður en Obama staðið sig vel í baráttuni, þá verður að telja það ólíklegt að demókratar hafni henni þegar á reynir. Spennandi er að sjá þau tvö bjóða sig fram sem forseta og varaforsetaefni flokksins. Ef Obama vinnur þá er ólíklegt að hún gefi kost á sér sem frambjóðandi til varaforseta. Hinsvegar er Obama nýr og ferskur á sviðinu og gæti vel sætt sig við varaforseta framboð.

Það er merkilegt til þess að röð forseta Bandaríkjanna gæti orðið Bush, Clinton, Bush, Clinton. Annarsvegar feðgar og hinsvegar hjón.

Clinton og McCain líklegust samkvæmt skoðanakönnun

Athugasemdir

[Barack Obama (IP-tala skráð) 18.1.2008 kl. 23:47]

Mæli því með eftirfarandi pistli á Deiglunni: Clinton for president, round two! - http://deiglan.com/index.php?itemid=11717

[Hólmdís Hjartardóttir, 18.1.2008 kl. 23:59]

ég er búin að hlusta á eina ræðu Obama og ég verð að segja að maðurinn heillaði mig. Minnti á Martin Luther King. Miklu hlýrri en Clinton sem ég er þó líka hrifin af.  Það verða örugglega jákvæðar breytingar í BNA. Og veitir ekki af.

[Steini (IP-tala skráð) 19.1.2008 kl. 11:19]

Og svo tekur Jeb Bush við á eftir Hillary - og verður Chealsea ekki komin á aldur til að taka við eftir 16 ár?

[Óðinn Þórisson, 19.1.2008 kl. 11:26]

Við skulum vona að það verði Republikani áfram í hvíta húsinu.

[Gunnlaugur B Ólafsson, 19.1.2008 kl. 21:57]

Óðinn ertu Laugvetningur? Stundum erfitt að bera kennsl ef myndin er kvöldsólarlag.