Blogg er fitandi

Í fyrsta skipti á ævinni er ég nokkrum kílóum of þungur. Ég hef alltaf verið 84 kg og ekki þurft að hafa áhyggjur af því þó að ég sletti úr svona hálfum rjómapela yfir morgunkornið. Nú er þetta allt í einu orðið meira. Ég er ákveðinn að láta ekki af rjómadrykkjunni. Það hefur heldur ekkert með það að gera að jólafríið sé nýbúið eða að ég sé kominn á þann aldur að kílóin læðist að manni, án þess að spyrja um leyfi. Búin að finna skýringuna - BLOGGIÐ ER FITANDI.

Frekar en að hætta að skrifa og lesa blogg, hætta í rjómanum, þá þarf bara að auka flæðið og dansinn með hækkandi sól. Já, ein skýringin gæti auðvitað verið að ég sé bara eins og gerist hjá mörgum spendýrum, t.d. hestum, að þeir bæta á sig smá einangrun til að standa af sér köldustu mánuðina. Allavega, til öryggis þá ætla ég að innleiða þá reglu að ég verði að hreyfa mig jafn mikið og ég dvel meðal vina netsins.

Athugasemdir

[Gunnlaugur B Ólafsson, 28.1.2008 kl. 12:52]

Ægir, þú ert eitthvað að misskilja, ég er bara að tala um sjálfan mig. Hvaða viðmið ég vilji setja mér. Velta því upp að aukin seta við tölvu, stundum hálftíma, klukkutíma á dag hlítur að hafa áhrif í kaloríutalningunni.

[Hrönn Sigurðardóttir, 28.1.2008 kl. 13:28]

 skrifa bara hraðar...........

[Gunnlaugur B Ólafsson, 28.1.2008 kl. 16:15]

Ægir, góður!  

Hrönn ætli það sé ekki til fótstigtæki, þannig að ef ég eyk brennsluna út í hendur með því að skrifa hraðar og gæti verið síðan að púla með einhverju fótaæfingatæki. Vissum að það hlítur að vera búið að þróa eitthvað slíkt svo að tölvunördarnir fái hreyfingu.

[Hrönn Sigurðardóttir, 28.1.2008 kl. 19:08]

Gætir líka verið með fótstiginn rafal til að knýja tölvuna.....

[Marta B Helgadóttir, 28.1.2008 kl. 21:24]

Hrönn kemur þarn með lausnina  - eins og alltaf

[Gunnlaugur B Ólafsson, 28.1.2008 kl. 21:28]

Benedikt, ég er nú þakklátur Hirti að setja upp oft á dag verkefni sem hleypa kappi í kinn. Trúi ekki öðru en það fyylgi því aukinn efnaskiptahraði :)

[kloi, 28.1.2008 kl. 23:12]

Sæll Gulli minn. Klói heiti ég og er að fara í framboð til borgarstjóra. Treysti á stuðning þinn Gulli minn. Hvaða embætti viltu.   Ég er að vísu með nokkur aukakíló, hleyp þau af mér í kosningabaráttunni.....

Áfram klói.......X - Klói.... Einn fimmaur á dag kemur skapinu í lag.

[Hólmdís Hjartardóttir, 29.1.2008 kl. 04:00]

[Hallgrímur Guðmundsson, 29.1.2008 kl. 11:01]

Gera eins og Hrönn segir, skrifa hraðar og síðan má hugsa hraðar, fara hraðar á milli bloggvina, það er hægt að gera allan fjandann hraðar. En alveg brilljat uppástunga að stunda hreyfingu í samræmi við tímann í tölvunni.

Kv Halli. 

[Hrönn Sigurðardóttir, 29.1.2008 kl. 22:02]

Þú fengir allavega háa og granna fingur