Blóm vikunnar Holtasóley

Þjóðarblómið okkar er Holtasóley. Þó menn hafi verið á mismunandi skoðun við val á einkennisblómi á sínum tíma, þá er hún falleg og finnst um allt land. Á ferðum mínum á fjöllum rekst ég ekki svo mikið á hana í fullum blóma. Hún blómstrar snemma sumars, en gönguferðir til fjalla eru oft ekki fyrr en í júlí. Holtasóley vex helst á melum eða rakalitlu mólendi. Þessi hér á myndinni var skammt frá gönguleiðinni í Víðibrekkum á móti Kollumúla, Stafafelli í Lóni í lok júní 2005.