Blóm vikunnar Lambagras

Lambagras er ein útbreiddasta og algengasta planta landsins. Finnst einkum á melum, söndum og þurru graslendi. Blómin eru vanalega bleik en í sennipart júlí 2005 rakst ég á þessa tvo blómakolla hlið við hlið, annan bleikan en hinn hvítan. Hér virðist því vera um stökkbreytt hvítt afbrigði, sem ekki framleiðir litarefni. Þessar plöntur voru upp á Söndum, Kollumúla, Stafafelli í Lóni, í um 600 m hæð. 

Athugasemdir

[Hólmdís Hjartardóttir, 28.2.2008 kl. 19:28]

Ætlaði að fara að segja að ekkert sæi ég lambagrasið en þá birtist þessi fína mynd. Ég hef séð það svona hvítt.

[Sigurpáll Ingibergsson, 29.2.2008 kl. 10:31]

Þegar ég gekk Öskjuveginn 2006, þá var lambagras algengasta blómategundin í Ódáðahrauni.  Það komu stórmagnaðar breiður á köflum, litir hnappar sem dreifðu úr sér yfir svæðið.

Hraunið var ekki eins gróðursnautt og staðalímyndin fyrir hálendið segir. Það mátti víða finna lambagras, öræfaost, geldingahnapp og mosi. Einnig  sáust fléttur og víðir, aðallega grávíðir.

Í Dyngjudalg sáum við m.a. geldingahnappsflatir,  lambagrös, þúfusteinbrjót, músareyra, víðir,og jöklasóley og svo  fléttur, ýmsar fléttur svo sem öræfaost (vikurbreyskju). Það þarf ekki alltaf að vera frumskógur fyrir framan mann!