Blóm vikunnar Jöklasóley

Blóm vikunnar er Jöklasóley sem vex einkum í grýttum jarðvegi. Hún er algeng á austanverðu landinu, Skagafirði og nágrenni og Vestfjörðum.  Hún vex yfirleitt hátt í fjöllum og finnst ekki undir sex hundruð metra hæð. Í gönguferðum Stafafelli í Lóni þá er gaman að sjá hana á leiðinni upp á Sauðhamarstind (1319 m). Blómin eru hvít snemmsumars en verða síðan rauðbleik síðsumars. Jafnframt er meira af rauðleitum blómum neðar og síðan fjölgar hvítum blómum nær toppnum, þar sem sumarið kemur seinna. Þessar plöntur voru þann 19. ágúst 2004. Sú rauðleitari á Víðibrekkuskeri, en sú ljósari í hlíðum Sauðhamarstinds.

Athugasemdir

[Hólmdís Hjartardóttir, 13.3.2008 kl. 15:40]

[Fífill (IP-tala skráð) 14.3.2008 kl. 08:37]

Jöklasóley (Beckwithia glacialis) vex aðeins hátt til fjalla, og er algeng í sumum landshlutum.  Hún vex ýmist í fjallajarðvegi eða í grjótskriðum.  Stundum berst hún með skriðum niður á láglendi, en verður sjaldan langlíf þar. Til fjalla finnst hún oft upp í 1300 m hæð eða ofar, en aðeins á fáum stöðum norðan til á landinu má finna hana neðan 600 m.

[Gunnlaugur B Ólafsson, 14.3.2008 kl. 18:15]

oK fífill, þarna hefði mátt standa "finnst yfirleitt ekki undir sex hundruð metra hæð"

[Hrönn Sigurðardóttir, 14.3.2008 kl. 19:05]

Jáh... reyna að vera svolítið nákvæmur Gulli.....

[Hrönn Sigurðardóttir, 14.3.2008 kl. 19:07]

Flott blóm annars - sérstaklega bleika útgáfan, sem finnst þá líklega í um sex hundruð metra hæð............