Supersized

Mótmælin við Austurvöll sýndu vel að það þarf að minnka meðalstærð bíla á götum Reykjavíkur. Það á að nota tröllvaxna og breytta bíla á fjöllum, jöklum og stórfljótum, en umhverfisvæna smábíla til reddinga og vinnustaðaaksturs í borginni við sundin. Styð áframhaldandi stefnumótun þar sem að álögum er létt af innflutningi slíkra faratækja, lægri gjöld, frí bílastæði og fleira. Það þarf viðhorfsbreytingu.

Mótmælt við Austurvöll

Athugasemdir

[Ísdrottningin, 2.4.2008 kl. 01:42]

Því miður hef ég ekki efni á að reka tvo bíla annars væri það auðsótt mál.

[Hólmdís Hjartardóttir, 2.4.2008 kl. 08:56]

Þetta er svo rétt hjá þér. Sjálf rek ég engan bíl.

[Sigurður Þorsteinsson, 2.4.2008 kl. 09:25]

Þurfum að taka umræðuna um strætó og bættar almannasamgöngur með í þessa umræðu. Sammála þér að við þurfum góða stefnumótunarumræðu um þennan málaflokk.

[Sveinn Ingi Lýðsson, 2.4.2008 kl. 10:48]

Gæti ekki verið meira sammála.  Eins og ég hef bent á í færslum mínum gætum gert ótal margt til að minnka olíunotkun og þar með útblástur.  Það var hreinlega "absúrd" að horfa upp á þessi jeppamótmæli í gær, risastóra eyðsluháka á miðbæjarrúnti. 

Þegar maður lítur í kring um sig á götunum er útilokað að draga þá ályktun að eldsneytisverð sé of hátt.  Einn, í mesta lagi 2 í hverjum bíl sem oft á tíðum eru risavaxin jeppatröll eða bensíngleypandi montjeppar.  Sama má segja með vörubílana.  Þar mætti nú aldeilis taka til hendinni.  Vissulega þurfum við á þessum vörubílum að halda en það er hægt að flytja vörur á mun hagkvæmari hátt en flestir gera í dag og spara með því ótalið magn eldsneytis. 

[stefan (IP-tala skráð) 2.4.2008 kl. 13:03]

ég er sammála ad folkid atti ekki ad keyra á rísastórum jeppum í midborginni. Samt er augljóst ad eldsneytisverd er allt of hátt út af skatt. Bílar og umferd eru hlut af skattkerfi og thad tharf lika ad breyta hugsun á thessu...

[Gunnlaugur B Ólafsson, 2.4.2008 kl. 18:21]

Sammála því að þörf er á að krefjast þess að ríkið festi hlut sinn af lítra í krónutölum og það sé ekki að græða á þessum hækkunum á eldsneyti. Finnst að þessum fararskjótum sem beitt hefur verið í þessu megi líkja við að ef rónar sameinuðust um að mótmæla hækkunum á áfengi.