Gullfoss með glæstum brag

 

Óskaplega er hægt að teygja lopann um þessa flugferð. Vinstri grænir reyna enn og aftur að nærast á nöldri og óánægju. Ögmundur Jónasson félagi minn fer mikinn. Mesta svigrúm sálartetursins fer í óvitræna dómhörku og vandlætingu út af mun á flugkostnaði, með einni leið eða annarri, upp á 200 þúsund krónur. Á sama tíma hækka húsnæðislán meðalfjölskyldu um hundruði þúsunda vegna gengisfellingar og gefið er upp að hluti ástæðunnar hafi verið meira svigrúm til umræðna og viðbragða við efnahagsástandinu.

Þeir eyða ekki orkunni í að krefjast þess að frumvarp Valgerðar Bjarnadóttur um leiðréttingu á eftirlaunafrumvarpinu gangi í gegn á þessu þingi. Enda voru þeir stuðningsmenn þess, allir sem einn. Þeir kvarta heldur ekki undan því að þiggja laun fyrir að gegna tveimur eða fleiri hlutverkum. Ef þeir væru samkvæmir sjálfum sér í þessari þotuumræðu þá ættu þeir að leggja til að við hverfum aftur ein hundrað ár og ráðamenn tækju vorskipið eða haustskipið. Það skyldi þó ekki vera að þeir væru þátttakendur í "lúxusnum" .

Útþráin eykur mátt,  ung verður gömul þrá
G#7                           C#m  C#7                       F#7
syngjum og dönsum dátt,   dvelur oss gleðin hjá.
B                        F#7  B          A#     B
Lifum vér ljúfan dag,  létt eru þessi kjör
G#7                               C#m   F#7                     B
Gullfoss með glæstum brag,  greiðir oss heillaför.
B                     B7          E     Em   B                F#7   B       (Hækkun)  G7
Gullfoss með glæstum brag,       greiðir oss heillaför.

Þotuleigan var 4,2 milljónir

Athugasemdir

[Gísli Sigurðsson, 8.4.2008 kl. 20:16]

Ég lít nú á þetta mál frekar sem prinsip mál en um krónur og aura. Þó hef ég nú grun um að það muni fleiri krónum heldur en gefið hefur verið upp. Mér finnst þetta snúast meira um trúverðugleika þeirra samfylkingarmanna með sitt fagra Ísland. Ég verð að segja að mér fannst Dofri greyið hálf aumkunarverður í Kastljósi í gær þar sem hann reyndi af veikum mætti að verja þennan ferðamáta verandi sjálfur höfundur stefnunnar um Fagra Ísland. Hefði ég verið í sporum Dofra hefði ég hreinlega ekki látið ná í mig til að standa í þeim skítverkum að verja þetta.

[Gunnlaugur B Ólafsson, 8.4.2008 kl. 21:10]

Gísli, hverjir fara eftir öllum prinsipum sem þeir boða, hverjir hafa svona mikinn trúverðugleika, hverjir eru ekki grey, hverjir eru ekki aumkunarverðir, hverjir eru ekki af veikum mætti í skítverkum?

[Theódór Norðkvist, 8.4.2008 kl. 21:23]

Það er farið með rangt mál í þessari fréttatilkynningu.

[Gunnlaugur B Ólafsson, 8.4.2008 kl. 21:32]

Theódór, þú ert með áhugaverðar upplýsingar. Ég treysti mér ekki út í að véfengja útreikninga ráðuneytis að mismunur í ferðakostnaði hafi verið þessar 200 þúsund krónur og síðan reynst ýmist hagræði af því að leigja flugvél.

[Sigurður Þorsteinsson, 8.4.2008 kl. 21:52]

Ef vinstri grænir væru við stjórnvöldin væri full ástæða til þess að nota Gullfoss. Þá þyrfti að taka góðan rúnt með góðum stoppum í hverri höfn.  

[Theódór Norðkvist, 8.4.2008 kl. 22:37]

Ég treysti mér í að véfengja útreikninga ráðuneytisins og auglýsi enn eftir einhverjum sem geta sýnt fram á að þau haldi vatni.

[baddi (IP-tala skráð) 8.4.2008 kl. 23:16]

Þvílíkt rugl. Eg vil frekar hafa þessa kjána sem við kusum yfir okkur hérna heima og eiga við vandamálin hér heldur en einhversstaðar yfir atlantshafinu. Það er alveg þess virði að kaupa flugvél yfir þingmennina okkar. Og btw. Ég fór á tveggja tíma fund í Skotlandi fyrir nokkru og þurfti að eyða þremur vinnudögum í þessa ferð. Það versta var að þessi ferð var mjög nytsamleg. Hvað eigum við að gera hér á þessu skeri? Við viljum taka þátt i alþjóðlegu samstarfi og læra af þvi? Ef við ætlum að gera það, þá verðum við að borga. Þetta er svo einfalt

[Gullvagninn (IP-tala skráð) 9.4.2008 kl. 10:26]

Skil ekki af hverju fólk rembist við að verja þessa þotuleigu.  Það er ekki eins og vinna þessa fólks krefjist hands on á einhverjum sveifum hér heima, þeir vilja helst ekkert gera hvort sem er.

Við höfum talið að við séum ein þjóð, ein stétt.  En einkaþotuvæðing á okkar kostnað er bara alveg í kross.

Ég vildi sjá Sturlu í stjórnmálin, við þurfum einhvern "alvöru" íslending innan um þessar plast dúkkur.

[Gunnlaugur B Ólafsson, 9.4.2008 kl. 11:05]

Frábært, getum við ekki gert ráð fyrir að Sturla fari og stöðvi allar samgöngur í landinu. Hann gæti farið með sýna nýbónuðu trukkaherdeild og stöðvað flugvélar og bíla. Þetta er "alvöru" framtíðarsýn.

Málið snýst ekki um að verja þotuleigur, heldur að við einbeitum okkur að meginverkefnum en ekki sparðatýning. Finnst að munur í kostnaði og ávinningur að hagræði réttlæti alveg málið og að við eigum að snúa okkur að mikilvægari málum.

Síðan held ég að þessir trukkakarlar eig frekar að kaupa sér þjónustu hjá bestu PR auglýsingastofu landsins frekar en að fylla aftur og aftur tankana til að gera almenningi erfitt fyrir. Þeir fá virðisaukaskattinn endurgreiddan og ríkið búið að vera með óbreytta krónutölu af hverjum lítra um langt skeið.

Trúi ekki að menn sjái byltingu öreiganna birtast í formi endurtekins ofbeldis trukkabílstjóra og torfærukarla, sem eru ef til vill fulltrúar mestu sóunar á eldsneyti í landinu. Vona að ég sjái öðru vísi "aktivista" með hækkandi sól.