Línan - Sumardaginn fyrsta

Á sumardaginn fyrsta hefur myndast hefð fyrir því að fara milli Mosfellsbæjar og Seltjarnarness skautandi, hjólandi eða hlaupandi. Tekin smá upphitun undir góðum tónlistartakti fyrir brottför. Lagt af stað klukkan 10 að morgni frá Varmárlaug og endað í Seltjarnarneslaug. Farið eftir göngustígum norðan megin Mosfellsbæjar og Grafarvogs. Gert hádegishlé í Elliðaárdalnum og farið meðfram suðurströnd Reykjavíkur og út á Seltjarnarnes. Strengirnir látnir líða úr líkamanum í lauginni.

Athugasemdir

[Hrönn Sigurðardóttir, 21.4.2008 kl. 23:26]

Skemmtilegt!

Ég á línuskauta - hef bara ekki þorað á þá utanhúss síðan ég endasentist á hökunni yfir í Hraungerðishrepp hér um árið. Ætti kannski að taka smá hring - bara svona lítinn, úti á bílaplani á fimmtudaginn ykkur til samlætis?

[Gunnlaugur B Ólafsson, 21.4.2008 kl. 23:43]

Þetta hefur verið mikil sveifla Hrönn eða hvað er annars langt yfir í Hraungerðishrepp?

Fyrsta árið byrjuðum við á Gljúfrasteini og enduðum út á Gróttu. Þetta hafa verið um 50 manns hvort árið, flestir á línuskautum en þó nokkuð margir á hjólum. Þeir sem að eru góðir skokkarar gætu alveg afgreitt þetta, ríflega hálft maraþon. Mbk, G.

[Herdís Sigurjónsdóttir, 22.4.2008 kl. 08:48]

Góða skemmtun, ég ætla að nota daginn til að lesa fyrir próf.

[Hrönn Sigurðardóttir, 22.4.2008 kl. 09:04]

Fer svolítið eftir hvar maður er staddur Í þessu tilviki var ég ekki langt undan þegar ég fleytti kerlingar yfir hreppamörkin.....

[Gunnlaugur B Ólafsson, 22.4.2008 kl. 21:49]

Takk Herdís - svo er það Hvannadalshnjúkur á laugardag. Gangi þér vel lestrinum.