"500 m vegarspottinn"

Flestir Íslendingar vita af umræðunni um tengibraut um Álafosskvos. Stundum gæti maður haldið að fátt hafi verið áður til tíðinda úr Mosfellssveitinni. Jú, það vita líka margir af Nóbelnum. Sigrún Pálsdóttir skrifar góða grein í Morgunblaðið í dag þar sem að hún er að lýsa yfir stuðningi við ákvörðun umhverfisráðherra að virkjanaframkvæmdir fari í heildstætt umhverfismat.

Í greininni notar hún máli sínu til stuðnings reynsluna úr Mosfellsbæ þar sem Varmársamtökin fóru fram á faglega úttekt á valmöguleikum og að heildaráhrif tengibrautar yrðu metin. Við fögnuðum því þegar bæjaryfirvöld voru skikkuð í að láta verkið í umhverfismat áætlana. Vonbrigðin urðu hinsvegar veruleg þegar ráðgjafafyrirtækið keypti skýringar bæjaryfirvalda þess efnis að málið snérist eingöngu um 500 m vegakafla en ekki heildarsýnina.

Karl Tómasson forseti bæjarstjórnar skrifaði; "Ég vona satt að segja að 500 metra vegakaflinn í Mosfellsbæ verði viðmið Össurar og Samfylkingarinnar í umhverfismálum næstu fjögur árin". Margt bendir til að nú hafi honum orðið að ósk sinni með úrskurði ráðherra.

Herdís Sigurjónsdóttir lýsti því yfir að umræðan væri á villigötum; "Varmársamtökin fóru að mótmæla 500 m löngum tengivegi sem leggja á fyrir ofan Álafosskvosina sem verið hafði á skipulagi í áratugi". Jafnframt dregur hún í efa að tengibrautin sé að hafa áhrif af því að hún liggi ekki um Álafosskvosina.

Vonandi hjálpar úrskurður ráðherra til að skipulagsmál og áhrif framkvæmda séu skoðuð í heildstæðu ljósi og að ekki þurfi að takast á um einföldustu merkingu orða.  

Athugasemdir

[Kjartan Pétur Sigurðsson, 9.8.2008 kl. 08:48]

Ég flaug þarna yfir fyrir stuttu og tók þá þessar myndir hér af svæðinu sem að þú ert líklega að skrifa um í greininni þinni:

http://www.photo.is/08/07/10/index_3.html

og

en hér var fókusinn eitthvað að stríða mér en læt þær myndir samt fljóta með:

http://www.photo.is/08/07/8/index_5.html

[Egill (IP-tala skráð) 9.8.2008 kl. 09:16]

Ég keyrði þarna framhjá í fyrsta sinn í gærkvöldi. Svæðið er undurfallegt, en þessi vegur er á vondum stað.

[Gunnlaugur B Ólafsson, 9.8.2008 kl. 21:40]

Flottar myndir Kjartan. Takk fyrir það. Það er auðvelt að skynja hversu mikið slys og klúður þetta er þegar komið er á staðinn Egill. Mbk, G

[Örn Johnson ´43 (IP-tala skráð) 16.8.2008 kl. 08:59]

Ágætar kvöldmyndir hjá þér, Kjartan. Tökum t.d. no 88 í fyrri seríu þinni. Hún sýnir veg út á Þingvallaveg. Hryðjuverkasamtökin, afsakið, ég meina "Varmársamtökin", þessi umhverfissinnuðu, vildu banna veg OFAN við Álafosskvosina og líklega beina umferðinni inn og út úr hverfinu "eitthvað annað" og þá verður þessi vegur á mynd þinni eini raunhæfi valkosturinn. Þessi vegur lengir akstur hvers bíls um 2 km. Reiknað er með að þarna fari 10000 bílar á dag. Það þýðir aukalega 20.000 km á dag. Kringum jörðina á 2ja daga fresti, til tunglsins á 15 daga fresti, o.sv. frv. Aukin rekstrarkostnaður þessa bíla kostar eigendur þeirra milljónatugi á hverju ári og fer ekki lækkandi. Þetta er ósk þessara samtaka, en auðvitað segja þau aldrei svona frá mlinu, heldur allt sett í einhverja felubúninga. Sem betur fer fór málið ekki svona, samtökin töpuðu því öllu, þeim til ævarandi skammar. Ég held að kerlingin sem grenjaði í grasinu til þess að stöðva vinnuvélar.

Kveðja

[Gunnlaugur B Ólafsson, 16.8.2008 kl. 10:00]

Örn ég held að þú farir að verða efni í terrorista miðað við hversu auðveldlega þú pirrast þegar þessi mál eru rædd og hvernig þú talar um samtök fólks hér í bæjarfélaginu og til einstaklinga.

Það hljómar eins og þú sérst afskaplega ánægður með allt þetta umrót ofan í Álafosskvosinni og meðfram Varmá. Þú getur ekki notað hjólastólabrautina, frekar en aðrir, við Álafoss og veist væntanlega ekki frekar en aðrir hvenær gengið verður frá öllu því jarðraski.

Þú ert auðvitað stoltur af því að síðustu misserin er allt sundurtætt milli Helgafellsvegar og Varmár. Það sem meira er það virðist engin vinna í gangi við að klára þetta. Þú ert auðvitað stoltur af því að það er ekki enn búið að finna lausn á því hvernig að Álafosskvosin mun tengjast Helgafellsvegi.

Tel að ég sé áður búin að fara yfir valkosti við tengingu Helgafellshverfis við Vesturlandsveg í tölvusamskiptum við þig. Satt að segja veit ég ekki hvort að það hafi neinn tilgang að gera það einu sinni enn. Þú veist að vegurinn úr Helgafellshverfi yfir á Þingvallaveg er ekki tillaga Varmársamtakanna.

Ég keyrði upp í hverfið í gær og þar er opin leið beint í gegnum Ásahverfið út á afleggjarann sem hefur verið um langt skeið út á Vesturlandsveg. Verkfræðingar sem að við unnum með lögðu fyrst til að tengibrautin kæmi þar í stokk og slaufaðist svo inn á Vesturlandsveg.

Sú hugmynd varð ekki aðaltillaga samtakanna heldur að brutin kæmi rétt ofan byggðar og út á mislæg gatnamót nokkru nær en nýja Þingvallahringtorgið. En þegar ég var þarna í auganu í gær þá fannst mér það borðleggjandi að fara beint í gegnum Ásahverfið í stokk eða að kaupa 4-6 hús og setja hljóðmanir. Mun ódýrari og skynsamlegri lausn.

           Annars vona ég að þú njótir dagsins,

                               með góðri kveðju,

                                            Gunnlaugur

[Sigrún P (IP-tala skráð) 16.8.2008 kl. 18:29]

Mig langar að benda hinum kappsama Erni Johnsen á að enn hafa engin kærumál tapast í tengslum við framkvæmdir á Varmársvæðinu. Á annað ár er síðan íbúar kærðu framkvæmdir við 'veginn sem ekki var vegur' og á verndarsvæðum við Varmá. Hefur enn ekki verið úrskurðað í þeim málum.

Mæli ég með að baráttumaðurinn Örn kynni sér staðreyndir málsins áður en hann fer offari næst.

[Kjartan Pétur Sigurðsson, 18.8.2008 kl. 15:30]

Fly me to the mooonnn.... Það er nú annars fínt að við höfum báðir gaman af flugi Örn :)

Ég var víst búinn að blogga eitthvað um þetta svæði áður :)

Vissu þið að það var talið að það væri gull að finna í Helgafelli í hlíðinni fyrir ofan!

En hér er pínu meira um þetta svæði:

http://photo.blog.is/blog/photo/entry/311619/