Ömmi og Grímur bara góðir

Í nokkur skipti gagnrýndi ég forystumenn VG á þeim forsendum að allur þeirra framgangur byggði á neikvæðninni einni saman og fátt væri um uppbyggilegar tillögur. Hafði jafnvel áhyggjur af húsmunum í þinghúsinu þegar þeir voru í hvað mestum ham í pontunni.

Nú eru þetta orðnir ábyrgir menn og gerendur. Þeim fara hlutverkin bærilega og er ég ánægður með framgöngu þeirra. Þar vil ég sérstaklega taka fram hversu Ögmundur virðist ætla að vera laginn með niðurskurðarhnífinn.

Guðlaugur Þór kom fram sem valdhafinn, sem starfaði í tilkynningastíl. Þetta sjúkrahús verður lagt niður og öll heilsugæsla fyrir norðan sameinuð o.s.frv. Ögmundur sýnir mannskapnum bara tölurnar sem þarf að ná í niðurskurði og biður um hjálp við að finna réttu leiðirnar.

Ræða eftirlaunalögin

Athugasemdir

[Hólmfríður Bjarnadóttir, 18.2.2009 kl. 00:37]

Var á fundi með Ögmundi í dag á Heilbrigðisstofnun Hvammstanga. Hann er nú á ferð um Norðurland að heyra í fólki og safna upplýsingum. Með honum er Jón Bjarnason, Þuríður Bakman formaður heilbrigðisnefndar og Berglind Ásgeirsdóttir ráðuneytisstjóri. Hann var þá búinn að funda með stjórnendum stofnunarinnar og fór svo að hitta sveitarstjórn. Hve langt austur um hann fer í þessari ferð veit ég ekki, en mótmæli hafa verið töluverð af Norðurlandi. Við hér í V Hún áttum að sameinast Vesturlandi samkvæmt tillögum GÞÞ. Við væntum þess að fá að fylgja því svæði áfram, ef af svipuðum sameiningaraformum verður.

[Sigurður Sveinsson, 18.2.2009 kl. 06:25]

Ögmundur og Steingrímur eru mælskustu menn þingsins. Þeir eru báðir að sýna það nú að þeir eru líka miklu meira en það. Mýtan um að VG liðar séu allir neikvæðir, önugir og á móti öllu er bara bábylja. Það er gott að jafnvel SF fólk áttar sig á þessu. Þó þessi ríkisstjórn hafi stuttan tíma og verði að reiða sig á framsókn vona ég að hún eigi eftir að skila miklu og góðu verki.

[Úrsúla Jünemann, 18.2.2009 kl. 11:48]

Ef einhver flokkur er á móti öllu núna þá er það Sjálfstæðisflokkurinn enda með eindæmum tapsárir menn í þessari hjörð.

Ég er mjög ánægð með ríkisstjórnina núna og vona bara að hún siti áfram og það án hækju Framsóknar.

[Þórbergur Torfason, 18.2.2009 kl. 14:01]

Þetta eru báðir toppmenn Gulli minn. Málefnin í forgang, ekki flokkurinn fyrst og þjóðin svo eins og S flokkarnir raða gjarnan upp.

[Þór Ludwig Stiefel TORA, 18.2.2009 kl. 18:14]

Hvernig væri nú að minnast á neikvæðnisvæl þeirra sem nú eru í stjórnarandstöðu?

[EE (IP-tala skráð) 18.2.2009 kl. 19:55]

Já, þeir hafa komið fram af hæfni og lagni.  Mikill munur á þeim og´strákunum´ í fjármála- og heilbrigðisráðuneytunum á undan.

EE elle