Dauðir fiskar í næturkyrrð

Þau voru sérstök hughrifin á rölti meðfram Varmá í næturkyrrðinni um eitt leytið. Fuglasöngur upp í trjánum, gróður í fullum blóma en allur fiskur dauður í ánni. Fór vel upp fyrir dælustöð hitaveitunnar en engir fiskar sáust liggja dauðir þar fyrir ofan. Miðað við staðsetningu dauðu fiskana og vatnssýnum ætti að vera hægt að efnageina og staðsetja upphaf mengunarinnar.

Tók nokkrar myndir ....

 

 

 

 

 

 

 

 

Athugasemdir

[Sigrún P (IP-tala skráð) 15.6.2009 kl. 11:21]

Ég hef lengi haft á tilfinningunni að á æðstu stöðum í Mosfellsbæ skorti skilning á alvarleika mengunarslysa við ána. Varmársamtökin kölluðu margsinnis eftir mótvægisaðgerðum í tengslum við framkvæmdir í Helgafellslandi en þar losuðu menn aur af svæðinu beint í ána. Við bentum líka á að ræsið sem lagt var í gegnum Varmá rétt fyrir neðan Vesturlandsveg skagaði upp úr ánni og truflaði fiskgengd. Í fyrravor tæmdi bóndi rótþró hesthúss í Köldukvísl og allur fiskur drapst en engir eftirmálar virðast hafa orðið af því máli frekar en öðru ef marka má símtal sem ég fékk frá íbúa í Mosfellsdal. Orkuveitan hefur oftsinnis soðið allt líf í ánni og fyrir nokkrum vikum rann mikið magn af olíu í Varmá ofarlega í Reykjahverfi.

Allt eru þetta lögbrot sem m.a. á Norðurlöndum þykja það alvarleg að fólki er stungið inn. Hér virðast þeir sem passa eiga upp á náttúruperlur bæjarfélagsins heldur kjósa að naga blýantinn og horfa með blik í augum út á Faxaflóa.

[Guðjón Sigþór Jensson, 16.6.2009 kl. 12:43]

Gunnlaugur:

Endilega færðskrásettu allt samviskusamlega varðandi þessar athuganir þínar á mengun Varmár. Og fylgdu þessu eftir eins og þín er von og vísa.

Nauðsynlegt er að finna upptök mengunarinnar og koma í veg fyrir að þetta endurtaki sig.

Mosi