Fleiri fjallaferðir

 

Meðfylgjandi mynd er fengin að láni hjá frænda mínum Jóni Þór Bjarnasyni. En hún er tekin af okkur að fara upp á "Gretti" sem að er steinn upp á hálsinum milli Gufudals og Djúpadals. Í Gufudal var ættarmót afkomenda Kristínar P Sveinsdóttur og Bergsveins Finnssonar. Um 200 manns voru mærrir til leiks í einstakri sólarblíðu.

Nú á ellefta tímanum er ég að leggja af stað aftur austur í Lón. Í lok síðustu viku kom ég með fyrri kennarahóp sumarsins úr fimm daga gönguferð. Einstaklega skemmtileg upplifun og samvera. Nú á föstudag fer gönguhópur af stað í fimmdaga föngu, tvær nætur í Eskifelli og tvær nætur í Kollumúla. Það er fjölskyldufólk og´um helmingur hópsins unglingar og börn.

Í framhaldi verð ég með rekstur tjaldstæða Stafafelli, rútu í dagsferðum í Austurskóga og Kollumúla, ásamt umsjón með upplýsingaþjónustu fyrir ferðamenn sem vilja létta á bensíngjöfinni í Lóninu og fara til fjalla.

                                                      NJÓTIÐ SUMARSINS

Athugasemdir

[Hrönn Sigurðardóttir, 5.7.2009 kl. 17:27]

Flott mynd!