Bara brjóst

Ánægjulegt er að frétta af skeleggri jafnréttisbaráttu frændsystra okkar á Norðurlöndunum. Styð hana af heilum hug og vona að þær nái fram rétti sínum. Aðgerðirnar byrjuðu í Svíþjóð og nú í kvöldfréttum Sjónvarps var sýnt hvar danskar konur stormuðu til laugar einungis með streng um sig miðjar. Eitt kjörorðið er að þetta séu "bara brjóst" og það hafi nú allar konur eitthvað svipaðan útbúnað.

Gunnar Þorsteinsson í Krossinum sagði eitt sinn að sundlaugar og pottarnir væru uppsprettur syndsamlegra hugsana. En þegar málið var á þeim tíma borið undir Pálma Matthíasson séra, séra, þá fannst honum ekkert athugavert við það að menn og konur virtu fyrir sér sköpunarverk Guðs. Það er því vandséð hvort að baráttan gleðji þann í efra eða neðra.

Gera má ráð fyrir að þessi vakning kvenna muni berast að Íslandsströndum. Það má því búast við að á sólbjörtum sumardegi t.d. í Laugardalnum, muni hópur kvenna forma kröfu sína, brjótast úr hlekkjum og svífa um með full réttindi og frelsi.

Athugasemdir

[Brjánn Guðjónsson, 12.1.2008 kl. 21:50]

ég veit ekki betur en að konur á íslandi hafi berað brjóst sín um áraraðir, í sundlaugunum, á björtum sumardögum.

[Hólmdís Hjartardóttir, 13.1.2008 kl. 00:54]

Já við sátum nú alltaf berbrjósta vinkournar hér áður og þótti ekkert tilkomumál.  Og auðvitað fóru allir naktir í Grjótagjá

[Gunnlaugur B Ólafsson, 13.1.2008 kl. 01:37]

Ánægjulegt hvað þið voruð snemma réttsýnar vinkonur þarna á Húsavík :) Auðvitað hafa náðst áfangasigrar í þessari baráttu .... En sennilega myndi það ekki verða heillavænleg þróun í baðfatamálum ef allir létu alltaf allt fjúka ....?

[Hólmdís Hjartardóttir, 13.1.2008 kl. 03:40]

Þetta lærðist af skólasystrum frá Norðfirði....og þá erum við farin að nálgast þig. Maðurinn minn fyrrverandi bað mig vinsamlegast um að ber ekki brjóstiní sinni sveit(Skagafjörður)

[Stebbi (IP-tala skráð) 13.1.2008 kl. 16:12]

Hvað Gunnar í Krossinum varðar, þá sækir hann daglega sundlaug Kópavogs. Kannski hann sé að bíða eftir að íslenzkar konur taki þær erlendu sér til fyrirmyndar. Ég hona, að hvorki gunnar né aðrir karlmenn þurfi að bíða lengi eftir því að íslenzkar konur hristi af sér feimnina.

[Jón Hönnuður (IP-tala skráð) 14.1.2008 kl. 15:49]

Varðandi brjósta-baráttu-dagana

Það hlýtur að skipta máli hvort um er að ræða heita sumardaga eða td.venjulega virka daga rétt fyrir jólin.