Nýtt í spilunum

Það er ný staða að það sé rætt sem raunhæfur möguleiki að Samfylkingin gæti myndað meirihluta í Reykjavík. Þó enn sé langt í kosningar þá verður það að teljast útilokað miðað við allt það klúður, sundurlyndi og óheilindi sem einkennt hefur Sjálfstæðisflokkinn í Reykjavík að hann nái meirihluta í borginni í næstu kosningum.

Það þarf mikið að gerast til þess að Vinstri grænir og Samfylking sigli ekki góðum byr í næstu kosningum. Þar ríkir sá skilningur að þessir tveir flokkar séu samherjar í pólitík undir merkjum jöfnuðar og réttlætis. Þannig er það áhugavert til lengri tíma litið að það verði föst venja að vinstri flokkarnir gangi til samstarfs, líkt og hefur tíðkast á öðrum Norðurlöndum. Þó sitthvor flokkurinn noti ólík krydd við matreiðsluna.

Niðurstöður könnunarinnar er sterk traustsyfirlýsing til Dags B. Eggertssonar. Á sama tíma er hún vantraust á klækjastjórnmál Sjálfstæðisflokksins og sýnir það mat kjósenda að engin þörf sé fyrir eins manns flokka sem selja sig hæstbjóðenda.

Fylgi Sjálfstæðisflokks minnkar mikið í Reykjavík

Athugasemdir

[Bjarni Kjartansson, 14.5.2008 kl. 12:05]

ÞEtta verður nú ekki en samt eigum við Íhaldsmenn skilið að vera slegnir nett á trýnið.

Mínir menn eru svo skelfilega ósamstæðir í sinni framsetningu.

En svo er einnig með Kvartetinn, menn eru að grínast með, að næst verði að bjóða fram Kvintett.

Hlakka til, að Íahldið haldið prófkjör fyrir næstu kosningar

Miðbæjaríhaldið

[Gunnlaugur B Ólafsson, 14.5.2008 kl. 13:11]

Sundurlyndiskenningin á vinstri væng sem Íhald hefur notað gegnum árin er ekki lengur til staðar. Valda stjórnmál í stíl Davíðs Oddssonar er liðinn tími. Sem betur fer. Það er ljóst að Sjálfstæðisflokkurinn mun ekki ná meirihluta í næstu kosningum. Hann þarf að semja og það er ekki hans sterka hlið.

Þarf nokkuð prófkjör verður ekki bara sexdettinn sendur fram syngjandi sitt hvert lagið?

                                    Mbk,   G