Á lífi

Tónleikarnir Mús Mos voru í Álafosskvos í dag. Skipuleggjendur voru íbúar í kvosinni og Varmársamtökin með stuðningi frá Mosfellsbæ. Samtökin héldu fyrir rúmu ári stórtónleika með Sigurrós og fleiri undir slagorðinu "Lifi Álafoss". Þrátt fyrir þá skerðingu á þessari veröld sem að er mjög sérstök, með veglagningunni alræmdu, þá var í dag sérlega fagurt og fjölbreytilegt mannlíf undir bláhvítum fána á þessum sögulega stað. Stallarnir í brekkunni frá samkomuhaldi fyrr á tíð nýttust vel og sól var bæði í sinni og hátt á himni.

Set hér inn myndir frá þessum degi sem tókst í alla staði sérlega vel og verður vonandi að hefð í mannlífi Mosfellsbæjar. Ég þekkti ekki hluta af þeim sem eru á myndunum. Hægt er að klikka á myndina til að hún stækki.

Athugasemdir

[Gudrún Hauksdótttir, 15.6.2008 kl. 08:12]

Tad hefur verid flott tátttaka hjá ykkur í Kvosinni.Ædislegur skreytti WV inn á einni myndinni.KNús inn í gódann sunnudag.

[Gunnlaugur B Ólafsson, 15.6.2008 kl. 19:35]

Þátttakan var fín, en það var alveg pláss fyrir fleiri. Hljómsveitirnar, krakkarnir og held ég allir nutu þess að vera þarna í sól og blíðu. Bestu kveðjur sömuleiðis.

[Ragnheiður Ólafía Davíðsdóttir, 15.6.2008 kl. 22:42]

Takk fyrir þessar fallegu myndir. Ég leitaði auðvitað eftir mynd af sonardóttur minni, Stefaníu, sem syngur með hljómsveitinni Bob Gillian og Ztrandverðirnir sem kom fram á þessari samkomu. Amman var fjarri góðu gamni - því miður.

[Gunnlaugur B Ólafsson, 15.6.2008 kl. 22:53]

Sæl Ragnheiður. Því miður náði ég ekki myndum af öllum sem komu fram, en þau stóðu sig vel. Mbk,  G