Kjánar, karlagrobb og krepputal

Kjánagrey með slagorðum Frjálslynda flokksins trufluðu athöfnina á Austurvelli. Forsætisráðherrann nýtti tækifærið til að upphefja Bjarna Benediktsson, ásamt því að minna fólk á afleiðingar efnahgsþrenginga.

Fjallkonan er hið rómantíska stef dagskrárinnar, en maður spyr sig hvort ekki sé hægt að sameinast um virðulega og skemmtilega stemmingu á þjóðhátíðardaginn. Þar eiga hvorki að vera mótmæli né einhver innræting um mikilleika forustumanns Sjálfstæðisflokksins.

Drögum fram gleðina með skilvirkari hætti. Gætum lært af Norðmönnum hvernig blanda má saman virðingu, hátíðleika, gleði og skemmtun á þjóðhátíðardaginn. Veðrið er allavega ekki að spilla.

                                    Til hamingju með daginn - lifum og njótum!

Forsætisráðherra bjartsýnn

Athugasemdir

[Sigurjón Þórðarson, 17.6.2008 kl. 13:39]

Ég veit ekki betur en þeir sem þú kallar kjána hafi verið mennirnir sem leituðu réttar síns hjá Mannréttindanefnd Sameinuðu þjóðanna og fengu það álit að íslensk stjórnvöld hafi brotið á þeim og að þau skyldu bæta þar úr.

Ríkisstjórn Samfylkingar og Sjálfstæðisflokks hefur því miður tekið þá ákvörðun að hunsa álititið og er svar ríkisstjórnarinnar að mati Þorvaldar Gylfasonar prófessors bæði siðlaust og hrokafullt.

[Björn Heiðdal, 17.6.2008 kl. 21:11]

Geir Haarde virkaði ferskur þegar hann flutti þessa árlegu ræðu.  Skemmtilegast fannst mér sú hugmynd að fara að spara.  Vonandi gengur Geir á undan með góðu fordæmi og fær sér dísel Skoda í staðin fyrir viðhafnarútgáfu af BMW.  Þá skal ég líka fara að spara.

[Sigurður Þórðarson, 17.6.2008 kl. 21:30]

Napurlegar kveðjur frá handlangara Samfylkingarinnar til manna sem ríkisstjórnin svíkst undan að greiða sanngjarnar bætur vegna mannréttindabrota sem þeir hafa orðið fyrir!

[Kolbrún Stefánsdóttir, 17.6.2008 kl. 22:14]

Sæll Gunnlaugur. Ég var ekki í bænum og veit ekki hvað þar fór fram. Hvaða slagorð voru þetta sem trufluðu þig og athöfnina á Austurvelli. Var það " Manngildið í fyrirrúmi" , "Frelsi til að velja ", " Umburðarlyndi, réttlæti og jafnræði " eða "Frelsi til athafna" ? Ég hef svolítið verið að fylgjast með þér á blogginu og hef  eins og þú (sjá lýsingu á höfundi) gaman af útivist og mannrækt, frelsi,jafnrétti og kærleika. Alltaf að reyna að sameina sál mín og líkama Það gengur hins vegar misjafnlega. Ég hef ekki heyrt af neinum skipulögðum mótmælum af hálfu Frjálslyndra og efast um að svo hafi verið. Kveðja Kolla.

[HP Foss, 17.6.2008 kl. 23:21]

Ég tók þátt í hátíðarhöldum hér í Hafnarfirði því mér finnst það skipta máli til að ná fótfestu á nýjum stað. Ef maður er endalaust á hringli á svona dögum, stundum hér, stundum þar nær maður e.t.v. ekki að skjóta rótum af nokkru viti.

Ráðlegg þér að hafa þetta í huga, hér tala ég af reynslu og ræð þér heilt, sveitungi sæll, því eins og þú veist, er ég aðkomumaður eins og þú.

það skiptir svo miklu máli að taka þátt með heimamönnum.

[Gudrún Hauksdótttir, 22.6.2008 kl. 09:13]

Ég tekkji svolítid til tjódhátídarhalda í noregi og tar er gledin vid völd.

Knús á tig.

[Sigurpáll Ingibergsson, 22.6.2008 kl. 22:18]

Mér fannst þetta flottur ábending hjá sjómönnum, benda á mannréttindabrot með þessu fáránlega fiskveiðistjórnunarkefri. Við verðum að þola þá umræðu, þó 17. júní sé, félagi Gunnlaugur.