Alþingi ákveði viðræður við ESB

Vinstri grænir geta komið standandi frá Evrópumálinu með því að lýsa yfir að það sé enn þeirra afstaða að hagsmunum Íslendinga sé betur borgið utan sambandsins. Þeir feti hinsvegar þá lýðræðislegu leið að Alþingi greiði atkvæði um hvort farið verði í aðildarviðræður og að síðan verði samkomulag sett í þjóðaratkvæði.

Nokkuð ljóst er að 20 þingmenn Samfylkingar eru hlynntir aðildarviðræðum, 9 þingmenn Framsóknarflokksins, 4 þingmenn Borgarahreyfingarinnar, allavega 3 þingmenn VG og um helmingur eða 8 þingmenn Sjálfstæðisflokks. Þannig má búast við að um 44 þingmenn vilji fara í viðræður, láta reyna á samninga og bera útkomuna undir þjóðaratkvæði.

Þjóðin verður að ráða

Athugasemdir

[Gísli Baldvinsson (IP-tala skráð) 27.4.2009 kl. 15:00]

Sammála gb

[Hans Haraldsson (IP-tala skráð) 27.4.2009 kl. 15:27]

Sögðu Framsóknarmenn ekki eitthvað um ströng skilyrði?

[Héðinn Björnsson, 27.4.2009 kl. 17:07]

Líst vel á að taka slaginn á þingi en tel að sú tillaga sem þar kæmi um að vísa tillögunni til þjóðaratkvæðagreiðslu myndi verða ofan á með stuðningi fólks úr Borgarahreyfingunni og Framsókn.

[Gunnlaugur B Ólafsson, 27.4.2009 kl. 17:35]

Við erum í sammála hópnum Gísli.  Ég held að Framsóknarmenn vilji hiklaust fara í viðræður á forsendum tiltekinna skilyrða, Hans. Eru ekki allir sammála um að gera nokkuð strangar kröfur varðandi yfirráð yfir auðlindum?

Síðan held ég að áhyggjur Framsóknar af landbúnaði séu ástæðulausar ef að þeir væru til í að brjóta upp milliliði, miðstýringu og kvótakerfi, þá er hægt að hafa miklu heilbrigðara samspil milli neytenda og framleiðenda. Það er mjög vaxandi áhugi almennings um heim allan að borða matvæli af sínu svæði. Það er hluti af því að rækta garðinn sinn. Mbk, G

[Gunnlaugur B Ólafsson, 27.4.2009 kl. 18:04]

Héðinn ég held að það séu ekki nema VG sem að eru hlynntir tvöföldu þjóðaratkvæði. Það er búið að teygja lopann nægjanlega, setjum af stað okkar bestu diplómata og samningamenn í að tryggja góðan samning sem tekur tillit til sérhagsmuna. Síðan er sú niðurstaða sett í þjóðaratkvæði.

[Hafþór Skúlason (IP-tala skráð) 27.4.2009 kl. 20:58]

Hvernig er það með samfylkingarfólk?  fattar það ekki að samfylkingin stóð í stað, vann uppbótþingmenn?  en fylgið jókst ekki neitt.  Augljóst að VG vann sigur,  Sjálfstæðisflokkur beið afhroð sem er eina skýringin á að samfylkingin er stærsti flokkur landsins.  Framsókn samþykir ekki umsókn til esb á þingi nema af þeirra forsendum og það er alls ekki sem samfylkingin vil.

Þannig að hvar er þingmeirihlutinn?

[HP Foss, 27.4.2009 kl. 21:02]

Ég hef áhyggjur af því ef menn eins og td. Árni Páll fara í aðildarviðræður.  Það er ómögulegt að menn sem eru jafn gallharðir í að ganga í ESB fari í slíkar viðræður. Til þess þarf rökfasta menn sem sýna ábyrgð og hafa einnig vissan skammt af efasemdum í farteskinu.  Mér þótti Árni Páll ekki sýna góðan karakter þegar rætt var við hann á kosningavökunni, koma afskaplega kjánalega fyrir svona óskaplega sjálfumglaður og viss um að við værum á leið í ESB svona algerlega þráðbeint og nánast án umhugsunar. Og þessi maður virðist vera ykkar helsta tromp og verður sennilega settur í forystusveit fylkingarinnar sem stormar til Brussel.

Ég held að það fær best á því að VG, Framsókn og Sjálfstæðisflokkurinn myndi stjórn til að blása lífi í glæðurnar og láta þessa ESB drauma bíða þangað til við erum komin á afturlappirnar og þá kemur kannski í ljós að við þurfum ekkert á erlendri spillingu að halda, nóg er af henni hér heima og þegar búið að kortleggja hana.

kær kveðja- Helgi Páls

[hafþór skúlason (IP-tala skráð) 27.4.2009 kl. 21:46]

Sjálfumglaður sammála. Hrokafullur? Mér hefur fundist það hjá silfur egils og kosningafundum þess fyrir utan að kalla þá fífl sem hafa kosið fyrrverandi ríkisflokka. Samfylkingin er 15% Jóhanna og 15 ESB fylgi. Dæmi hver sem vill en hvernig er með jóhönnu? Hefur hún gert eitthvað af viti? nei hún hefur aldrei gert neitt af viti. Hún hefur ekki einusinni migið í saltan sjó nema þegar hún sturtaði niður úr salerni flugvélar.

[Ómar Bjarki Kristjánsson, 27.4.2009 kl. 22:12]

Tja, ef þessar tölur sem þú nefnir um meirihluta á Alþingi við aðildarviðræður - þá er það stærri meirihluti en eg ætlaði.

Mikill meirihluti við aðildarviðræður.

Það er bara ótrúlegt ef íslendingar geta ekki komið sér saman um þetta mikla þjóðþrifamál.

[Ómar Bjarki Kristjánsson, 27.4.2009 kl. 22:22]

Ps. "ef þessar tölur sem þú nefnir um meirihluta á Alþingi við aðildarviðræður eru réttar" á það að vera.

Og svo er talað um skilyrði o.s.frv.

Það eru allir sammála um skilyrðin og stragetíuna í aðildarviðræðum.  Landbúnaðarleiðin er sænska og finnska leita leiða til sátta í sjávarútvegsmálunum.  Þetta er nú ekki flókið.

Svo kemur bara í ljós hvað næst fram.   Þetta kemur aldrei í ljós nákvæmlega fyrr en í aðildarviðræðum.  Síðan verður kosið um samninginn.  Ef fólki líst ekki á, þá greiðir það atkvæði á móti - segir nei og ef því líst á samninginn greiðir það atkvæði með - segir já.

[Ragnhildur Kolka, 27.4.2009 kl. 22:47]

Það er sérkennilegt að sjá þig Gunnlaugur halda því fram að "ALLIR séu sammála um að gera strangar kröfur til yfirráða yfir auðlindum" í svokölluðum samningum við ESB. Það kannast nefnilega enginn við að hafa heyrt samfylkingarfólk gera neina kröfu í þá áttina. Þrátt fyrir að kyrja sönginn um ESB aðild í áraraðir hefur SF ekki tekist að berja saman nein samningsmarkmið. Kannski vegna þess að krafan hefur alltaf verið innganga "no matter what".

Nú þegar við blasir að SF vann engan sigur í kosningunum eru samherjar þínir farnir að átta sig á að það væri kannski vænlegast að láta Alþingi setja samningsmarkmiðin á blað og jafnvel að bera þau undir kjósendur.

Ykkur tókst að hrella VG í smá stund með hótunum um að mynda bara stjórn með einhverjum öðrum, en blessunin hún Birgitta sló á puttana á ykkur. Þótt hún sé til í að láta reyna á viðræður vill hún láta þjóðina ákveða það. Og til þess að slík ákvörðun sé tekin á upplýstan hátt vill hún setja á stofn STOFNUN til að UPPFRÆÐA almenning á HLUTLAUSAN hátt um kosti og galla aðildar. Þetta er ekki draumastaða ykkar, er það?

Stofnun er hugtak sem þið skiljið mæta vel, en slíkt vafstur tekur tíma og hann hafið þið ekki aflögu. Svo maður minnist ekki á uppfræðsluna til almennings og það á hlutlausan hátt.

Gunnlaugur, eru þessi hugtök,  uppfræðsla og hlutleysi, til í orðabók Samfylkingarinnar?

[Ómar Bjarki Kristjánsson, 27.4.2009 kl. 23:25]

Það er alveg ljóst í hverju esb felst.  Samstarfi sjálfstæðra ríkja um sameiginlega hagsmuni.  Allt og sumt.  Við aðild gerist ísland einfaldlega aðili að því samstarfi.  þetta er nú ekki flókið.

Vandamálið hins vegar er það að  undanfarin ár hafa samtök sum og önnur nátttröll,  ruglað einhverja helv. þvælu bæði nótt og dag nánast og þannig smám saman innprentað ranghugmyndir hjá einhverjum parti þjóðarinnar.  Þetta er eina vandamálið.  Utan þess er ekkert vandamál.

[Gunnlaugur B Ólafsson, 27.4.2009 kl. 23:54]

Það má vera að ég hafi verið nokkuð saklaus þegar ég gerði ráð fyrir því að hægt væri að láta þetta ósk um aðildarviðræður í hendur Alþingis til umræðu og afgreiðslu. Að þingmenn gætu fylgt eigin sannfæringu um hvað væri gott fyrir þjóðarhag, frekar en vera í flokkspólitískri refskák. Stend við þá sannfæringu mína að það er vel rúmur meirihluti þingmanna til í aðildarviðræður ef þeir taka af sér flokksgleraugun.

[EE elle (IP-tala skráð) 27.4.2009 kl. 23:59]

Leiðin sem þú lýsir er lýðræðisleg.  En ekki er þó víst að allir þingmenn flokkanna 3ja (F (9), O (4) + S (20)) vilji fara í viðræður við Evrópubandalagið.