Í minningu Lhasa de Sela

Við skötuhjúin vorum lukkuleg með að fá miða á seinni tónleikana söngkonunnar Lhasa de Sela á listahátíð, síðastliðið vor. Hún hélt tvenna tónleika og við fengum miða á seinni tónleikana. Hún hafði dásamlega rödd og spilaði á marga strengi í litrófi tilfinningalífsins. Við stóðum á miðju gólfinu á Nasa og vorum djúpt snortin af hæfileikum hennar og tjáningu.

Það hvarflaði ekki að okkur að hún stæði í erfiðri baráttu við brjóstakrabba og að með þessum tónleikum væri hún að syngja sitt síðasta vers opinberlega. Það var mikil innlifun í klappinu eftir síðasta lagið og aukalög. Ég er þakklátur fyrir að hafa haft tækifæri til að fara á þessa tónleika. Hún hafði allt sem prýða má listamann í tónlist. Frumleg, óvænt, skapandi og hæfileikarík.

Hún dó í upphafi ársins - http://www.lhasadesela.com/lhasa_de_sela/menu.php?lang=en

Vel hér þrjú angurvær lög af nýjustu plötu hennar sem kom út á síðasta ári. Hin ljúfsára stemming sem þar birtist fær nú aðra og dýpri merkingu.

Athugasemdir

[Gudrún Hauksdótttir, 5.1.2010 kl. 13:31]

Takk fyrir tessa yndislegu tónlist med Lhasa De Sela.

Er ákvedin ad kaupa mér eina af hennar diskum.Tekkji hana örlítid en á ekki hennar tónlist.Tad breytist fljótlega.

Kvedja frá Hyggestuen.

[Gunnlaugur B Ólafsson, 11.1.2010 kl. 02:56]

Takk fyrir kveðjuna - Þú munt ekki sjá eftir því að fjárfesta í tónlist hennar.

                   Með góðri kveðju úr Mosó,  G