Loksins, loksins!

Það eru orðnir mánuðir síðan maður hefur á sunnudagsmorgni litið út um gluggann og fær þessa hríslandi tilfinningu um leið og stírurnar eru nuddaðar úr augunum - "Yesss, þetta verður fallegur dagur". Mikil tilbreyting af snjónum eftir einhverja mestu vætutíð sem gengið hefur yfir landið. Blái himininn og stillan koma svo til að fullkomna sköpunarverkið.

Tók þessa mynd í morgun út um gluggann þar sem sólargeislarnir voru búnir að lýsa upp Úlfarsfellið. Verið að fara með eldri gaurinn í Bláfjöll og síðan bregður maður sér á hestbak. Þetta virðist rétti dagurinn til útiveru.

---------------------------------------

Komið að kveldi og allir orðnir rjóðir í kinnum. Ljómi tekur framförum í töltinu. Keypti á hann svonefndar amerískar stangir og virðast þær henta honum vel. Þá myndast vogarafl sem lætur hann safna sér betur saman. Kröftugur karl sem að er gaman að sjá bæta sig.

Athugasemdir

[Hólmdís Hjartardóttir, 20.1.2008 kl. 12:03]

já takk snjó og stillur, ekki rok og rigningu. mbk. Hólmdís

[jensen (IP-tala skráð) 20.1.2008 kl. 21:18]

´´yessss þetta verður fallegur dagur,þarf þetta ´´yessssss,að vera þarna.?

[jensen (IP-tala skráð) 20.1.2008 kl. 21:19]

Ha vinnur maðurinn við kennslu.????????

[Gunnlaugur B Ólafsson, 20.1.2008 kl. 21:22]

Jaaaáááá ...